Katuap kulturikkut illorsuartut niuerutaa pingaarneq tassaavoq nipilersorneq isiginnaartitsinerlu. 2009-miit ukiunilu taassuma kinguliini Katuap sammisaqarfiup taaneqartup iluani annerpaamik
soqutiginnitsiminik suleqateqarnini attaveqarninilu annertusarniarpai.
Katuap takorluukkat suliallu ukuusut naapertorlugit sulivoq:
Takorluugaq
Katuaq - Kalaallit Nunaata Kulturikkut Nukinnik Pinngorartitsiviuvoq.
Suliaq
Katuap kalaallit kulturiat Kalaallit Nunaanni nunallu tamalaat akornanni kulturikkut attaveqaqatigiiffiit sammisaqaqatigiinnikkullu isumaqatigiissutit, kalaallit kulturiannik ineriartortitsinermik ingerlatitseqqinnermillu qulakkeerisuusut aqqutigalugit nittarsaannissaa kissaatigaa.
Katuaq isiginnaartitsiffitsialattut, tusarnaartitsiffitsialattut saqqummersitsiffitsialattullu kiisalu nipilersorfitsialattut erinarsorfitsialattullu Kalaallit Nunaannit, Nunanit Avannarlernit nunallu tamalaat akornanneersunit suli atuutissaaq.
Katuap upperaa, takutitap, tusarnaartitsissutigisap saqqummersitallu pitsaassusaat Katuallu sullissilluarnera sulisunit pimoorussisunit piginnaasaqarluartunillu aallaaveqartoq.
Katuap ukiumut nalunaarusiai 2008 uani aaneqarsinnaavoq.
