Katuaq logo Kulturip Illorsua - Kulturikkut pikialaartitsisoq

Tikilluarit

Katuaq Kalaallit Nunaata tamarmi kulturikkut illorsuaraa, 15. februar 1997 atoqqaartinneqartoq atulersinneqartorlu Nuummi angerlarsimaffeqartoq.

Katuaq tassa soorlu nipilersuut, sukkulluunniit nipilersuleriaannaasoq - ullukkut sinnattorpassuaqarpoq, unnukkut kajungernartuuvoq, inunnik qaamanermut nutsuisartoq.

Katuaq illorsuuvoq angakkuakkatut ittoq sananeratalu arsarnerit maligaasiorlutik ilutsimikkut nikerarnerat, ilulissat qaamarngullu apummi sermimilu qillaarpalaarnerat eqqaanaqutigivaat. Illorsuarmik kusanaqisumik ilusilersuisut tassaapput illussanik titartaasartut Schmidt, Hammer aamma Lassen Århusimeersut, DK.

Isiginnaartut, tusarnaartut takuniaasullu kulturikkut pitsaasumik misigisaqarnissaat sulisunillu pitsaanerpaamik sullinneqarnissaat Katuap sallersaatippai. Katuap kulturikkut aaqqissuussinernik neqeroorutaasa ilagaat inunnut ikittunut amerlasuunulluunniit tusarnaartitsinerit, meeqqanut inersimasunullu isiginnaartitsinerit, eqqumiitsuliortut tusaamasat tusaamaneqarpallaanngitsullu eqqumiitsuliaannik saqqummersitsineq, meeqqanut, inuusuttuaqqanullu filmertitsineq, oqalugiartitsineq allarpassuillu.

Katuami ataatsimeersuarnerit ataatsimiinnerillu aamma aaqqissuunneqartarput. Taassuma saniatigut inuit illorsuup ilorrisimaartarfiani, CaféTuami, imeruersaatinik nillertunik kissartunillu najoqqagassanik sassaallerfiusumi naapisimaartarput. Aaqqissuussinernut anginerumaanut café aamma nerisassanik oqittunik, kissalaartunik nerersuartitsinernilluunniit sassaalliuteqartarpoq.

Katuaq ukiumut arlaleriarluni isiginnaartitsisartunik nipilersortartunillu Kalaallit Nunaanni illoqarfinnut tamanut angalaartitsisarpoq. Katuaq ukiumut isiginnaartitsisartunit 30-t missaannittunit tikeraarneqartarpoq Kalaallit Nunaanniluunniit illoqarfinnut allanut isiginnaartitsiffigineqarlunilu isiginnaartitsiartortitsisarpoq.

Nuannersumik misigisaqarnissannik kissaallutit uummammit pisumit Katuamut tikilluaqquatsigit, qujanarlu internetikkut nittartakkatta alakkarternissaa piffissaqarfigigakku.

Inussiarnersumik inuulluaqqusillunga,

Julia Pars
Pisortaq

Ullorsiutit

Pisussat 11/12 2016

Nutaarsiassanik pisartagaqalerit

Cookies

katuaq.gl bruger cookies

Cookies er nødvendige for at få hjemmesiden til at fungere og giver info om, hvordan du bruger vores hjemmeside, så vi kan forbedre den både for dig og for andre. katuaq.gl bruger primært cookies til trafikmåling, login og optimering af sidens indhold. Hvis du klikker videre på siden, accepterer du vores brug af cookies.