Katuaq logo Kulturip Illorsua - Kulturikkut pikialaartitsisoq

Suliniut GREENLAND SPIRIT ”Kitaamiut Tunumiullu naapinnerat” Katuaq Nuummi kulturikkut illorsuaq suleqatigalugu pilersinneqarpoq. Taalliortoq Ole Kristiansen bassertualu Jorsi Sørensen Tasiilamilu erinarsoqatigiit ilisimaneqarluartut Ingeratsiler peqatigalugit Tasiilap timersortarfiani tallimanngorneq julip arfineq-pingajuanni tusarnaartitsisinneqarput. Nipilersortartut takutitsissutiminnut immikkuullarissumut nuannerluinnartumullu ersaattaanneqarujussuarput.

Inuit 500 missaat illoqarfimmiit nunaqarfimminngaanniillu aggerlutik Olep tusarnaartitsineranut peqataajartorput, tusarnaartitsineranilu taallat ilinniartitsisumit atuakkiortumiillu Tasiilamiissimasumit Villads Villadseniminngaanneersut erinarsuutigineqarput. Olep erinarsugaanik isiginnaagassiaq nalinginnaasumik Nukaaka Coster-Waldauimit Karina Møllerimit Miké Thompsenimiillu erinarsorneqaraluarput. Erinarsoqatigiilli ulloq ataaseq affarlu periarfissarisimavaat erinarsuutit sungiusarnissaannut. Olelu oqarpoq erinarsortartut pikkorigisimallugit piffissap taamak sivikitsigisup iluani erinarsuutit taamak ilikkalertortigisinnaammatigit. Isiginnaartitsereernerup kingorna Ole Jorsilu marluullutik erinnat namminneq sanaatik ilisimaneqarluartut aamma akustiskimik appisimaarpaat.

Tusarnaartitsinermi pinnersaatitut atorneqarsimapput bannerit assiliisartumit Parisimeersumit MARTImit assilineqarsimasut, taakkunanilu takuneqarsinnaasimapput Olep, Nukaakap, Karinap, Nuka Alice Lundip, Gaz Zaa Lungip, Nukaq Lyberthip assigisaasalu assingi.

MARTI Tunuminngaanneersoq politikereq Iddimanngiiu Bianco suleqatigalugu GREENLAND SPIRIT-imit saqqummiussitinneqarsimapput, tassanilu eqqartorneqarsimallutik inuiaqatigiit qanoq pilersinneqartarnersut, kalaaliussutsip naleqarnerulersinneqarsinnaanera, oqaatsit kulturillu tammatsaaliorneqarnissaat silaannaap pissusaata allanngoriartornerata malitsigisaani, aammalu taassuma kinguneranit qanoq eqqumiitsulioriaaseq kulturilu atorneqartarnersut inuit inuiattut kinaassusaat ineriartortinniarlugu.

”Kitaamiut Tunumiullu naapinnerat” maanna Tasiilami sapaatip akunnerisa pingajussaa ingerlanneqarpoq. Qilaatersortartoq nalunnginneqarluartoq Anda Kuitse isiginnaartitsisartoq uaajeertartorlu Varste Berndtsson peqatigalugu utoqqaat illuanni, meeqqallu angerlarsimaffiini takutitsisaqattaaqqammerput, Varstelu aamma aqqusiniinnarmi meeqqat peqatigialugit takutitsisimalluni.

Maanna MARTI nutaamik videoliorpoq taallugu ”VOICE of EAST GREENLAND”, taannalu Anders Berthelseni (Made in Nuuk) peqatigalugu suliarineqarluni. Illoqarfimmi nipilersortartut, ilinniartitsisut, sanasut, politikerit, piniartut inuusuttut utoqqaalluni apersorneqarsimapput.

Isiginnaagassiaq VOICE OF GREENLAND 2015-imi Nuummi suliarineqarsimasoq Ammassaliup Katersugaasiviani takutinneqarpoq, tassanilu takuneqarsinnaallutik Inuit pequtaat immikkuullarilluinnartut. Inuttaallutillu Nukaaka, Angu Motzfeldt, Miki Jensen, Upaluk Poppel, Kimmernaq Kjeldsen, Pivinnguaq Mørch, Varna Nielsen aamma Lu Aqqalu.

Suna tamarmi pissusissamisut ingerlassappat, siunertaavoq suliniutip Ittoqqortoormiini aamma ingerlanneqarnissaa 2016 ukiaanerani, tassanilu Ann Andreassen aammalu Uummannami meeqqat angerlarsimaffiat suleqatigineqassallutik.

Tunumiunut qujanarujussuaq tikilluaqqusilluarsimanerinut.

Assiliisoq: MARTI PHOTO











Ullorsiutit

Pisussat 27/9 2016

Isiginnaartitsineq kiassutsip silarsuaani pissaaq, nunarsuarmi inuullu kiassusaa sammineqassalluni. Pinngoqqaartut marluk imeq aamma siku aallaavigalugu timi atorlugu takutitsisoqassaaq

Sermermiit Aalamut (From Ice To Steam)

Isiginnaartitsineq kiassutsip silarsuaani pissaaq, nunarsuarmi inuullu kiassusaa sammineqassalluni. Pinngoqqaartut marluk imeq aamma siku aallaavigalugu timi atorlugu takutitsisoqassaaq

Nutaarsiassanik pisartagaqalerit

Cookies

katuaq.gl bruger cookies

Cookies er nødvendige for at få hjemmesiden til at fungere og giver info om, hvordan du bruger vores hjemmeside, så vi kan forbedre den både for dig og for andre. katuaq.gl bruger primært cookies til trafikmåling, login og optimering af sidens indhold. Hvis du klikker videre på siden, accepterer du vores brug af cookies.