Katuaq logo Kulturip Illorsua - Kulturikkut pikialaartitsisoq

Kitaamiut Tunumiullu naapittut

Kitaamiut Tunumiullu naapittut

Greenland Spirit-imik taallugu piorsarsimassutsikkut paarlaasseqatigiissitsinertut ingerlanneqartoq, ulluni makkunani Tasiilamiippoq. Ingerlanneqartumi siunertaavoq Kitaamiut Tunumiullu naapeqatigiissinnerisigut erinarsorneq, uaajeerneq inngernerlu aqqutigalugit kiisalu video-t, oqallitsitsinerit saqqummersitsinerillu atorlugit, pineqartut akornani piorsarsimassutsikkut immersoqatigiissitsinissaq.

Takutitsisussatut peqataasussat tassaapput inngertartoq tusaamaneqarluartoq Anda Kuitsi Kulusummersoq aammalu Varste Berndsson, isiginnatitsisartoq uaajeertartoq aammalu isiginnaartitsinermik ilinnartitsinermi pisortaasoq. Uaajeerlutik qilaatersorlutillu inngerlutik meeqqat angerlarsimaffianni, innarluutillit qitiusumik najugaqarfianni utoqqaallu illuanni takutitsereerput aammalu pineqaatissinneqartunut inissiisarfimmi takutitsisussaapput.

Utoqqaat illuaneereernerup kingorna Varste Berndtsson oqarpoq:

Takuara kultur-i puigorneqaqqunagu utoqqaat ileqqumi kinguaariit tulliinut ingerlateqqinneqarnissaanik kissaateqarnerat. Qilaatersorluta inngernitsinni, piorsarsimassuseq tunngavigalugu meeraagamiilli takusarsimasaminnik takunneqqinnertik nuannaarutigalugilu qujamasuutigigaat malugilluarparput. Tamannalu uatsinnut attortinnartuuvoq.

Kiisalu nunatsinni erinarsortartut nipilersortartullu tusaamaneqarnerpaat ilaat Ole Kristiansen, erinniorluni taalliortartoq Aasianninngaanneersoq Jorsi Sørensen, nipilersortartoq peqatigalugu pisumut peqataajartorlutik Tasiilamut tikissapput.

Tallimanngorpat, ulloq 8. Juli Ole Kristiansen Tasiilap Timersortarfiani akustisk-imik tusarnaartitsissaq atussallugit Villads Villadsen-ip Nalusuunerup Tarneranik taasami taalliaanit erinarsuusiani nammineq erinaatiminik akullattaaraluni. Immikkut ittumik erinarsoqatigiit Ingeratsiler Ole Kristiansen-ip erinarsugaasa ilaani peqataassapput. Tusarnaartitsineq tamanut ammavoq isernerlu akeqassanani.

Appisimaartussat tikeqatigissavaat assiliisartoq Paris-imeersoq MARTI, Kitaani eqqumiitsuliortunik assilisaminik saqqummersitsisussaq. Taassuma aamma nutaamik videoliorneq ingerlappaa tassungalu atatillugu assilliisoq Anders Berthelsen assiliiisoralugu Tasiilami apersuinernik immiussiniarluni.

Pingasunngorpat, ulloq 6. Juli Tasiilami Katersugaasivimmi takutinneqassaaq videoliaq Voices of Greenland (Nipit Kalaallit Nunaanneersut) nunatta kitaani eqqumiitsuliortunik apersuinernik imaqartoq. Video takutinneqassaaq nal. 20, kingornalu oqallitsitsisoqassalluni.

Ingerlanneqartoq annertuumik nunatsinni Tips og Lotto-mi aningaasaanit kultur-imullu tunngasunut tapiissutaasartunit tapiiffigineqarpoq kiisalu NunaFonden aamma Sermeq Fonden tunuliaqutsiisoralugit suleqatigalugit Kalaallit Nunaanni Kulturip Illorsuanit – Katuamit ataqatigiissarneqarsimavoq.

Pisorlu aamma Tasiilami meeqqat illuannit, Tasiilap Katersugaasivianit, Roberto Peroni-mit, Red House-imit aammalu Tasiilami Timersortarfimmit tapiissuteqarfigineqarsimavoq.

Assiliisoq: MARTI PHOTO

Ullorsiutit

Pisussat 28/9 2016

Isiginnaartitsineq kiassutsip silarsuaani pissaaq, nunarsuarmi inuullu kiassusaa sammineqassalluni. Pinngoqqaartut marluk imeq aamma siku aallaavigalugu timi atorlugu takutitsisoqassaaq

Sermermiit Aalamut (From Ice To Steam)

Isiginnaartitsineq kiassutsip silarsuaani pissaaq, nunarsuarmi inuullu kiassusaa sammineqassalluni. Pinngoqqaartut marluk imeq aamma siku aallaavigalugu timi atorlugu takutitsisoqassaaq

Nutaarsiassanik pisartagaqalerit

Cookies

katuaq.gl bruger cookies

Cookies er nødvendige for at få hjemmesiden til at fungere og giver info om, hvordan du bruger vores hjemmeside, så vi kan forbedre den både for dig og for andre. katuaq.gl bruger primært cookies til trafikmåling, login og optimering af sidens indhold. Hvis du klikker videre på siden, accepterer du vores brug af cookies.