Katuaq logo Kulturip Illorsua - Kulturikkut pikialaartitsisoq

"Anaanaq - Moderkroppen – The shape of a Mother"

Assinik saqqummersitsineq. Saqqummersitsisoq: Emilie Binzer

Ulloq:

Sumi: Paarlersuaq
Periode


Akeqanngilaq


Emilie Binzer

31-inik ukioqarpunga  ukiunilu maanna 4-ani Michael uigalugu. Misu-mik atilimmut 8-nik ukiulimmut anaanaavunga.

22-inik ukioqarlunga ernininnut atatillugu amima tasinneri amimalu sukangajunnaarnera akueriuminaatsissimavakka ”kusassaataasumillu” pilatsinnissara eqqarsaatigisimagaluarlugu. Assigiinngitsunilli peqquteqartumik puullaaqinera anigorpara panigalu eqqarsaatigisimagaluak-kannik oqaluttuukkumanagu, taassumami naara asasupilussuummagu pakatsisikkumanagu pilatsikkusuleraluarninnik tusartikkusunnginnakku. Taamammi iliornikkut inuit akornanni qaffasissorujussuarnik piumasaqarnerit paninnut nanertuutinngortikkusunnginnakkit.


Pilersaarutima siunertaa tassaavoq assit atorlugit arnap timaata ernereernerup kingorna paquminartuliuutigineqartarnerata oqallissaarutiginissaa. Tassa angujumallugu arnat amerlanerusut imminnut tulluussimaarutigisinnaanerulernissaat. Tujuuluaqqamik atuisinnaalerlutik naaminnik toqqortuiunnaarlutik angigisanminnik atuiunnaarlutik allaallumi naluuseqarnissamut tunuarsimaarunnaarlutik.  


Pilersaarutinni angorusuppara  arnat timiminnik isiginnittaasiminnik allannguinissaat arnallu amerlanerusut akuersaarinnilernissaat timertik taamaallaat allannguuteqarmat, amiat tasilluni iviangiillu oqimaallillutik nivinganerulaalersimasinnaallutik, naartusimaneq peqqutigalugu.

Takutikkusuppara arnarpaaluugatta amitsinnik tasittoornikuusut.

Arnat taaneqartut peqqutigalugit pinniiinnerulerneq ajorput imaluunniit naleqannginnerulerlutik, killormorluinnarli tassaapput arnat aqqusaarsimasaminnik tulluusimaarinnillutik nittarsaassisin-naasut.

Tulluusimaarpunga meeqqamik naarmioqarnikuugama sulilu tulluusimaarneruvunga paniga isumaqarmat pinnerluinnartuusunga.

Aningaasaliisoq

Katuamut tusarnaartitsersuaartoqarnerani inuppassuarnut peqataajartorit, ukiormoortumik pisartoq Akisuanerit Festival ingerlanneqarnerani

Akisuanerit Festival 2016

Katuamut tusarnaartitsersuaartoqarnerani inuppassuarnut peqataajartorit, ukiormoortumik pisartoq Akisuanerit Festival ingerlanneqarnerani

Nutaarsiassanik pisartagaqalerit

Cookies

katuaq.gl bruger cookies

Cookies er nødvendige for at få hjemmesiden til at fungere og giver info om, hvordan du bruger vores hjemmeside, så vi kan forbedre den både for dig og for andre. katuaq.gl bruger primært cookies til trafikmåling, login og optimering af sidens indhold. Hvis du klikker videre på siden, accepterer du vores brug af cookies.