Katuaq logo Kulturip Illorsua - Kulturikkut pikialaartitsisoq

Nuummi Eqqumiitsuliornermik ilinniarfik

Nuummi eqqumiitsuliornermik ilinniarfik eqqumiitsuliortunit Hans Lyngemit Bodil Kaalundimillu 1972-imi uffartarfikumi assiliartalersuiffittut pilersinneqarpoq. Eqqumiitsuliornermik ilinniarfik ukiut ingerlanerini ineriartortuarpoq eqqumiitsuliortunut anguniakkat pitsaasut anguniarneqartuarlutik.

Ilinniarfik 1981-imi Namminersornerullutik oqartussanut suliffeqarfittut pilersinneqarpoq ilinniartunut ukioq ataaseq tunngavisumik eqqumiitsuliornermik ilinniarfittut aaqqissuunneqarluni. Ukiut ingerlanerani eqqumiitsuliortunik assigiinngitsunit ingerlanneqartarpoq soorlu ukuusut. Hans Lynge, Emil Rosing, Ejnar Heilmann, Jessie Kleemann 1991-imiillu Arnannguaq Høeghimit ingerlanneqarluni.

Ukiut tamaasa ilinniartunut tallimanut inissaqarpoq, taakkualu sulianik nassiunneqarsimasunit  nalilerneqarlutik toqqarneqartarput. Ilinniartut titartaanermik, qalipaasersuinermik, akvarelinik, akryl atorlugu qalipaanermik, qiperugaliornermik, mixed medianik suliaqarnermik naqitseriaatsinik assigiinngitsunik ilinniartinneqartarput. Ilinniarfimmi ilinniartitsisut tikeraartit nunatsinneersut nunattalu avataaneersut ilinniartut teknikkikkut periusaanik ineriartortittisaqaat anersaakkullu aqqutissiuisuusarlutik. Tamanna ilinniartunut ataasiakkaanut nunattalu kulturinut nukittorsaaqataavoq. Ilinniartut ukioq ataaseq ilinniartooreerlutik ukiup ingerlanerani suliatik Junimi Katuami saqqummersittarpaat.

Ilinniarfimmi 1981-imiit ilinniartut inuusuttut 175-it sineriammit tamaneersut ilinniartuutigereerpai, taakkunanngalu oqaatsinik pikkorissuusut nunattata avataani, soorlu Danmarkimi, Sverigemi, Norgemi, Finlandimi, Englandimi, Islandimi Canadami USA-milu eqqumiitsuliornikkut ilinniarnertik ingerlateqqittareerpaat.

Eqqumiitsuliornermik ilinniarfik Nuummi Jphn Møllerip aqqutaani inissisimasoq ullutsinni piumasaqaatinut naleqqersuunneqarsinnaanngilaq – ukiullu arlariit taamatut inissisimanikuulluni. Ilinniarfiup Katuamut nuunnissaanik pilersaaruteqarneq 2000-imi politikkikkut aalajangernermi unitsinneqarpoq. Ilinniarfiup eqqumiitsuliornermut ilinniarfissuartut inissisimanerlnissaa qaqugu inissikkumaarnersoq suli nalunarallarpoq.

Ukioq manna ilinniartut ukua saqqummersitsissapput:

Clara Nielsen

Karl Uvdloriak´

Saqqummersitsineq Katuami takuneqarsinnaavoq 17. juni 2016 25. juni 2016 ilanngullugu

Arnannguaq Høegh, eqqumiitsuliortoq eqqumiitsuliornermilu ilinniarfimmi aqutsisoq

Eqqumiitsuliornermik Ilinniarfik, Kunstskolen

Box 286

3900 Nuuk

Telefon 32 26 44, fax 32 22 15

kunst@greennet.gl

Aningaasaliisoq

Nutaarsiassanik pisartagaqalerit

Cookies

katuaq.gl bruger cookies

Cookies er nødvendige for at få hjemmesiden til at fungere og giver info om, hvordan du bruger vores hjemmeside, så vi kan forbedre den både for dig og for andre. katuaq.gl bruger primært cookies til trafikmåling, login og optimering af sidens indhold. Hvis du klikker videre på siden, accepterer du vores brug af cookies.