Katuaq logo Kulturip Illorsua - Kulturikkut pikialaartitsisoq

Paninnguaq Lind Jensen saqqummersitsinera: Lightsource and hybrids

AWG2016-imut atatillugu Paninnguaq Lind Jensenip saqqummersitsinera: Lightsource and hybrids

Ulloq:

Sumi: Paarlersuaq
Periode


Akeqanngilaq

Paninnguaq Lind Jensen

Lightsource and hybrids

Saqqummersitsineq una aqqutigalugu anguniarpara pinngoqqaarnermeersunik qalipakkatigut, piorsarsimassutsikkut ilisimasatsinnik – immikkuuillarissutsitsigut isigisatsinnik, piorsarsimassuseq aallaavigalugu takutitsinissaq.

Uannut eqqumiitsuliorneq taaguutaannanngilaq, piorsarsimassutsitsinnut ilisarnaataasutut taaguutaasoq. Uannut eqqumiitsuliorneq silarsuaavoq, eqqumiitsuliortumit pilersinneqartartoq ilusilerneqarlunilu tigussaasumik pissarsiarineqarsinnaasut atorlugit.

Saqqummersitanni ilaapput qalipaaterpassuit akuleriiaagaasut, pinngoqqaarnermeersuusullu ulluinnarni inuiaqatigiinni takuneqarsinnaasut tiguussaasut aallaavigalugit, allatut sammivilerlugit ilisaritinneqartartut.

Tamanna ingerlappara inuit sammivinnit allanit isiginninnissaat angujumallugu. Uani anguniarpara, inuit anersaakkut oqaluttuatoqqatsinnut, piorsarsimassutsitsinnit nalunngisatsinnik erngertumik sanilliussuitinnissaat.  Anersaakkummi oqaluttuatoqqat tassalernikuupput illernartutut isigineqalernikuusut, naak qanga nalinginnaasutut ulluinnarpalaartutut sakkutussatut atorneqaneqarnikuugaluartut  ilisarnaatinngortinneqarnikuusulli, allaat toqqaannavissumik oqassagaanni, ilisarnaatitut illernartutut taaneqarsinnaalernikutut.

Saqqummersitakkut uanga nammineq takorluuinikka takutikkusuppakka. Takutikkusuppakka qanoq piorsarsimassutsitta inuiaqatigiittullu isigineqarnitta qanoq ittuusimaneri, sulilumi taamaattuuneri, uannut nassaarsiorninnut pilersitsisinnaanermullu aallaavigisakka, takutikkusupparalu eqqumiitsuliorneq ululiornerinnaanngimmat, inuiattut atisaliornerinnaanngimmat, avittaliornerinnaanngimmat pinngortitatsinnillu assilialiornerinnaanngimmat. Tamanna angorusuppara, sungiusimasatsitut takutitsiniartarnerput immitsinnullu kinaassusilersortarnerput piorsarsimassutsitsinnik ilusiliisut qimappallaarnagit.

Aningaasaliisut:

               

Isiginnaartitsineq kiassutsip silarsuaani pissaaq, nunarsuarmi inuullu kiassusaa sammineqassalluni. Pinngoqqaartut marluk imeq aamma siku aallaavigalugu timi atorlugu takutitsisoqassaaq

Sermermiit Aalamut (From Ice To Steam)

Isiginnaartitsineq kiassutsip silarsuaani pissaaq, nunarsuarmi inuullu kiassusaa sammineqassalluni. Pinngoqqaartut marluk imeq aamma siku aallaavigalugu timi atorlugu takutitsisoqassaaq

Nutaarsiassanik pisartagaqalerit

Cookies

katuaq.gl bruger cookies

Cookies er nødvendige for at få hjemmesiden til at fungere og giver info om, hvordan du bruger vores hjemmeside, så vi kan forbedre den både for dig og for andre. katuaq.gl bruger primært cookies til trafikmåling, login og optimering af sidens indhold. Hvis du klikker videre på siden, accepterer du vores brug af cookies.