Katuaq logo Kulturip Illorsua - Kulturikkut pikialaartitsisoq

Saqqummersitsinermi sammineqarluni qulequtaavoq ”Upperisapalaaq imaluunniit angakkuarneq” aallaavigineqarporlu Kalaallit Nunaata Mexicollu nassuiaruminaatsunik nammattoortakkanut atatillugu isiginnittaatsimikkut assigiissuseqarnerat. Piorsarsimassusermi pinngortitarlu aallaavigalugit Kalaallit Nunaanni Mexicomilu eqqumiigineqarsinnaasunut qaninneruvugut.

Qangarsuummalli nunani pineqartuni nunap inoqqaavisa eqqumiitsut avatangiisiminnut inuunermullu ilaalluinnarnerat upperisarisimavaat sulilumi akunnitsinni tamanna takussaalluni.

Danmarkimit Spaniamillu nunat pineqartut nunasiaalernerisigut kristumiuussutsillu eqqunneqarneratigut nunap inoqqaavisa upperisaat inuunermillu isiginnittaasii aserorneqarput. Naleqartinneqalersut isiginnittaatsillu nutaat kisimik tunngavigisassanngortitaapput, kisianni Mexico-mi Kalaallillu Nunaanni sorlarisat kinaassutsimillu misigisimassutsit puigorneqarsinnaasimanngillat. Inuit eqimattat ikinnerusunit amerlanerusulluunniit peqataaffigineqartut piorsarsimassutsikkut oqaluttuatigut, erinarsuutitigut, qitittaatsitsigut, eqqumiitsuliornikkullu kingornussatik allanut ingerlateqqittarsimavaat, taamatullu aamma isiginnittaatsit ilaatigullu aamma immaqa upperisat.

Europamiut tikimmatali qangaaniit isiginnittaatsit nakkarsarneqarlutik, upperisapaarsiornertullu nalilerneqarlutik malersorneqartarsimapput, taamaammallu tunngaviusumik upperisat upperisapalaatut naqissuserneqarsimallutik.

Pingaartuuvorli timitaleruminaakkaluartumilluunniit upperisat anersaarsiornerpalaarne-rusullu immikkoortinnissaat.

Qanorluunniimmi taaneqartut isigigaluaraanniluunniit inuiaqatigiittut nunarsuarmik isiginnittaasiupput piorsarsimassutsikkullu kingornussaalutik, tamakkulu arlalitsigut oqariartuutitaqartarput, inuppassuillu isumaqartuarsinnarput oqartarlutillu nunarsuup qilaallu ikrani peqartoq nassuiarsinnaanngisatsinnik.

Kalaallit Mexico-miullu eqqumiitsuliaannik nutaanerusunik saqqummersitsinissaq isumassarsiarivara Knud Rasmussen-ip kalaallit oqaluttuaatitoqaat pillugit atuakkiarisimasaa ”Myter og sagn fra Grønland” atuarakku. Taassuma upperisat pillugit, tupinnartulersaarutit, piviusulikkersaarutit, takorluukkat, inuuneq toqulu pillugit imarisai assingutilerakkit mexico-miup atuakkiortup Juan Rulfo-p atuakkiaanut ”Pedro Páramo”, atuakkiaq pineqartunut sammitillugu atuakkiarineqarsimasut akornanni saqqummiussat pitsaanerpaat ilaat, Rama King Nash, eqqumiitsuliortoq oqarpoq.

Saqqummersitsinissarli saqqummersitsinerinnaanngilaq, pilersaarummi piorsarsimassutsikkut akuleriissitsineruvoq aammalu ullutsinni eqqumiitsuliaasut aqqutigalugit arlaatigut pisartunik nassuiaasersoruminaatsunik akunnermi qanillattortitsinerulluni.

Kalaallit Nunaannit eqqumiitsuliortut peqataasussat makkuupput: : Lisbeth Karline Poulsen, Maria Panínguak Kjærulff og Lars Rosing. Mexicomiillu eqqumiitsuliortut peqataasussat makkuullutik: Taka Fernandez, Carlos Cons, Adrian R. Perdomo aamma ataani atsiortuullunganga pilersaarusiortuusunga, Rama King Nash (Danmark/Mexico).

Pilersaarutaavoq kalaallit eqqumiitsuliortut pineqartut Mexico Citymut 2017-imi tikeraassagaatigut, tassani saqqummersitsillunilu suleqatigiissitsinissani peqataajartorlutik.
Saqqummersitsitat tunisassiaassapput.

Saqqummersitsineq ammaanersiorneqassaaq Katuap paarlersuani, sisamanngorneq septembarip arfineq pingajuanni nal. 16.00.



Aningaasaliisut:
    

Advent-ip sapaataasa sisamaanni, december-ip 18-anni nal. 16:00 ukioq manna Kalaallit Nunaata Radioata juullimi pilluaqquassutaa Katuamiit toqqaannartumik aallakaatinneqassaaq.

KNR-ip juullimi pilluaqqussutaa

Advent-ip sapaataasa sisamaanni, december-ip 18-anni nal. 16:00 ukioq manna Kalaallit Nunaata Radioata juullimi pilluaqquassutaa Katuamiit toqqaannartumik aallakaatinneqassaaq.

Nutaarsiassanik pisartagaqalerit

Cookies

katuaq.gl bruger cookies

Cookies er nødvendige for at få hjemmesiden til at fungere og giver info om, hvordan du bruger vores hjemmeside, så vi kan forbedre den både for dig og for andre. katuaq.gl bruger primært cookies til trafikmåling, login og optimering af sidens indhold. Hvis du klikker videre på siden, accepterer du vores brug af cookies.