Katuaq logo Kulturip Illorsua - Kulturikkut pikialaartitsisoq

Saqqummersitsineq: Katuaq ukiuni 20-ini

Saqqummersitaq, Katuaq ukiuni 20-ini, Katuap nalliuttorsiorneranut atatillugu saqqummersitsineruvoq aallaavigalugit Katuami pisartunit nutaanerusunit assilisat.

Ulloq:

Sumi: Paarlersuaq
Periode


Akeqanngilaq

Saqqummersitaq, Katuaq ukiuni 20-ini, Katuap nalliuttorsiorneranut atatillugu saqqummersitsineruvoq. Saqqummersitsinerup aallaavigai Katuami pisartunit nutaanerusunit assilisat.

Assiliisartoq Dida G. Heilmann, inuk kulturilerinermik sammisaqartuusoq, Nuummilu PI/SPS-imi (Isumaginninnermut ilinniarfimmi) ilinniartitsisuuvoq.

Dida G. Heilmann tunngaviusumik atuarfimmi atuarnermi ingerlanerani unnukkut assiliinermik ilinniartitsinerni peqataasarsimavoq, tassani qalipaateqanngitsunik assilisanik ersersaaneq sammisarsimallugu. Juullimilu assiliivimmik tunisikkami, assiliinermik soqutiginninnera qaffassarneqarsimavoq. Ukiut marluk matuma siorna tikillugu Dida mobilimi assiliivianik assiliisarsimavoq sulinerminilu nittartagaq Youtube assiliinermut tunngasunik isumassarsiorfigisarsimallugu. Kingusinnerusukkullu assiliissummik pitsaasumik pitaareernermi kingorna imminut ilinniartissimalluni.

Immikkut nuannarisarivai tusarnaartitsinerni assiliineq, silami unnunnerani pinngortitami assiliineq, inunnillu ataasiakkaanik assiliinerit.

Assilisai nuannarineqarluartut

Didap assilisai arlaleriarlutik Greenland Today-ip facebookkiani, sapaatit akunnikkaarlugit nittarsaassisarneranni kusanarnerpaatut toqqarneqartarsimapput. Didap assiliisarnermini pisut torrallaavillugit piffissaq eqqoqqissaarlugu assilisat  aammalu assilisat attortinnartunik imallit immikkut pikkoriffigivai saniatigullu assilisanik katiterillaqqissuulluni.

Arnaq pinginnaasarpassualik

Siunnerfeqarluarneq tamatigoortuunerlu Dida G. Heilmannip ilisarnaatigivai. Assiliinermillu soqutigisaqarnermini ilinniartitsisarnermilu saniatigut Dida nalinginnaasumik pirorsaanermik ilinniarnermini Masterinngorniuteqarpoq. Nassaarsiullaqqissuuvoq sammisarpassuaqarlunilu. Erinarsortarpoq, tusarnaartitsisarluni, nipilersorneq aallavigalugu workshopertitsisarluni maannamullu CD-nik marlunnik saqqummiussaqarsimalluni. 

Timersornerup silarsuaani Didap Inuit/Dene Games sammisarpai nunatsinnilu pissartanngorniunnerni peqataasarsimanermini arlaleriarlunilu pissartanngortareerlunilu sølvinnalluni bronzennattarsimalluni.

Saqqummersitaq ingerlassaaq piffissami februarip 9-niit februarip 27-ata tungaanut.

Aningaasaliisut: 

Nuummi festivalorkesteri, Nuummi agiartartoqatigiit, Maniitsumi nipilersornermik atuarfimmeersut, Pipaluk Lynge Berthelsen aamma meeqqat peqatigiillutik Nuummi nipilersugassiarsuit aallaavigalugit pikialaartitsinermi tusarnaartitsissapput

Nuup nipilersugassiarsuarnik festivalia 2017

Nuummi festivalorkesteri, Nuummi agiartartoqatigiit, Maniitsumi nipilersornermik atuarfimmeersut, Pipaluk Lynge Berthelsen aamma meeqqat peqatigiillutik Nuummi nipilersugassiarsuit aallaavigalugit pikialaartitsinermi tusarnaartitsissapput

Nutaarsiassanik pisartagaqalerit

Cookies

katuaq.gl bruger cookies

Cookies er nødvendige for at få hjemmesiden til at fungere og giver info om, hvordan du bruger vores hjemmeside, så vi kan forbedre den både for dig og for andre. katuaq.gl bruger primært cookies til trafikmåling, login og optimering af sidens indhold. Hvis du klikker videre på siden, accepterer du vores brug af cookies.