Katuaq logo Kulturip Illorsua - Kulturikkut pikialaartitsisoq

Saqqummersitsineq: Stella Polaris* Ulloriarsuaq

Saqqummersitsineq immikkuullarissoq "Stella Polari* Ulloriarsuaq" Katuamut alakkaruk.

Ulloq:

Sumi: Paarlersuaq
Periode


Akeqanngilaq

Stella Polaris* Ulloriarsuaq
Stella Polaris* Ulloriarsuaq tassaavoq assilisat, atuagaq filmiliallu atorlugit eqqumiitsuliatut suliaq, sermersuup kigaatsumik aakkiartorluni tammariartorneranik tupinnartumik, assilisat kusanartut filmiliallu atorlugit takutitassiaq.

Sermeq pillugu
Siku aajuitsoq nunarsuup puigutsaaliuisorivaa. Pisarsimasunik ilisimasanik toqqorterisuuvoq, Ilisimasassarsiorlutillu angalasartut, ilisimasatusartartut ilisimasassarsiortartullu taarsuup ataani sermersuarmi tamarmik qillerisarsimapput, nunarsuup oqaluttuassartaanik silaannaallu allanngoriartorsimaneranut tunngasunik nutaanik pasisassarsiorlutik. Oqaluttuatoqarpassuarnimi kalaallinit oqaluttuarineqartartuni, siku sermerlu ilisimasanik erlinnartunik, tupinnartunik qaaqqusisutullu ittunik imaqarput.

Kisiannili siku sermersuarlu qangatut ikkunnaarnikuupput. 1972-imiilli aasat tamaasa sikumik sermimillu qalligaanikut affaannanngortarput, taakkulu oqaluttuatut pigisaat aallutik kuugussaasarlutik.

Assiliisarnerit angaasarnerillu
Stella Polaris* Ulloriarsuup angalanermi aqqusaarsimavai Kangerlussuaq, Nuuk Maniitsorlu aammalu UNESCO-p nunarsuarmi kingornussatut toqqagaa Ilulissani Sermermiut, 2012, 2013 aamma 2014-imi tikinneqarsimasoq.

Issittup unnuaani taartumi Røde Kors Børnehjemermiut, meeqqat inuusuttut Ilulissanilu aamma Kangerlussuarmi ilinniartitsisoq, Maniitsumilu utoqqaq ataqqineqartoq, qilaatersorlutik inngertartut aammalu Nuummi eqqumiitsuliortut ilulissat Sermersuarmit siku aniasut qaamanermik seqersaartarsimavaat.

Kigaallisitamik assiliinerit atorlugit sermip aannera, qalipaasersugaasoq – arsarnerit ataanni  ersersinneqarsimapput. Assilisallu tamakku – qaamanermit qalipagaasutut taaneqarsinnaasut – Kalaallit oqariartutaannik sermimiillu pisunik alutornartunik „tammatsaaliuilluni immiunneqarsimapput, tamakkulu tassaapput eqqumiitsuliatut sulinermi, apersuinerni, assilisat atorlugit oqaluttuarnerni filmiliornernilu qitiusumik, nunarsuup sinneranut oqariartuutinngorlugit,  tunngavigineqartut.

Stella Polaris* Ulloriarsuaq
Stella Polaris* Ulloriarsuarmik pilersitsisut tassaapput assiliisoq aallarniisorlu Nomi Baumgartl, assiliisoq Sven Nieder, filmiliornermi ilitsersuisartoq Yatri N. Niehaus aammalu Kalaallit Nunaanni ataqatigiissaarisoq Laali Lyberth.

”Sermerq aattikkuminarnerpaaq nunamiippoq, aattikkuminaannerpaarli inuup uummataaniilluni. Aatsaat Sermeq inuup uummataaniittoq aattinneqarpat inuup ilisimasarpassuani silatuumik Atulersinnaavai”, Angaangaq Angakkorsuaq, projektip illersortia.

Maluginiagassaavoq atuakkiaq nersornaasiuttakkamut Fotobog Pris 2016-imut nersornaasigassatut inassutigineqarsimammat.

Saqqummersitaq takuneqarsinnaavoq 9. – 30. marts 2017.

Aningaasaliisut:  

Saqqummersitsinerminut atatillugu Frederik Elsner tusarnaartitsisoq orniguffigiuk.

F

Saqqummersitsinerminut atatillugu Frederik Elsner tusarnaartitsisoq orniguffigiuk.

Nutaarsiassanik pisartagaqalerit

Cookies

katuaq.gl bruger cookies

Cookies er nødvendige for at få hjemmesiden til at fungere og giver info om, hvordan du bruger vores hjemmeside, så vi kan forbedre den både for dig og for andre. katuaq.gl bruger primært cookies til trafikmåling, login og optimering af sidens indhold. Hvis du klikker videre på siden, accepterer du vores brug af cookies.