Katuaq logo Kulturip Illorsua - Kulturikkut pikialaartitsisoq

Saqqummersitsineq: Anersaaq - Tura Ya Moya

Saqqummersitsineq qullernik ikkussuinernik nipilersornertalik.

Ulloq:

Sumi: Paarlersuaq
Periode


Akeqanngilaq

TURA YA MOYA ANERSAAQ / ANDI / ÅND - spirit of place – kapittel 6

20.10 – 30.10 Silami nipinik seqersittaammillu takutitsineq, taarsilernermiit unnukkut aqqarnup tungaanut

20.10 – 13.11 Katuap iluani takutitsineq

NORGE - ISLAND  - KALAALLIT NUNAAT (Grønland) – DANMARK - TYSKLAND

Kalaallit Nunaat multimediamik saqqummersitsinermi, silamilu seqersittakkamik nunani avannerlerni inissisimanermi takutitsinissamut tikilluaritsi.
20.10 nal. 19.00 Ammaanersiornermi paarlersuarmi tusarnaartitsineq aammalu Katuap saavani

Tallimanngorneq 28. oktoberi 2016 nal. 17.00 - 19:00 sammisaqartitsineq aammalu cd-mik saqqummersitsineq

Iluarsartuullugu pilersaarusiaq Nipi & Qaamasoq Saga 2010-mi aallartippoq, tusarnaartitsisarlutik qullernillu ikkussukkanik takutitsisarlutik nuntasinni Islandimilu. Nipilersoriaatsiminnik qangaanerusumik nutarsakkanillu taalliorpaluttumik nipeqarput. Nipilersullaqqissorsuit tapartartuat Silbat Kuitse, klarinetsertartoq erinarsortartorlu Karen Thastum, nipilersuutilerimmallallu Udo Erdenreich aammalu grand damertaat nunatsinniit tusaamaneqarluartoq Anna Kuitse Thastum, nunatta kultoorianni nersornaaserneqarsimasoq 2008-mi.


                                                                           


Issittumi oqaluttualikkersaarutit illoqarfinni, nunaqarfinitni illoqarfinnut  / eqqumiitsuliortumit inuinnarnut / Nunat Avannarliit aammalu / kalaallit oqaluttuassartaat ullumikkut eqqumiitsuliornermut nipilersornermullu

Container-it atorlugu angalatitamik takutitsisarnissamik ingerlanneqartoq

ANERSAAQ / ANDI/ ÅND – spirit of place – eqqumiittsiliortartoqatigiinnit Tura Ya Moya aamma Karen Thastum-imit pilersaarusiaavoq. Taakku Katuaq tikeraalerpaat ulluni 10-ni illorsuup silaata saavata iigaani takutitassanik seqersitsiortorniarlutik/saqqummiussuiniarlutik  aammalu nunani avannarlerni eqqumiitsulianik takutitsiartorlutik ingerlanneqartup aallarneraniit maannamut. Ingerlanneqartussamilu peqataassapput Nunanit Avannarlerniit nipilersortartut, eqqumiitsuliortut aammalu meeqqat inuusuttullu angalatitsinermi aqqusaartukkaneersut. Container-i 20 fods-iusoq Nuummut tikippat, taava aqqummini aqqusaareersimassavai Norge, Island aammalu Tunu (tassanili container-i mikinerusoq atorlugu). Nuummi aamma inuusuttut aggersarneqarlutik kaammattorneqassapput titartakkaminnik pisumi takutissueqqullugit.

Container-i 20 fods-iusoq eqqumiitsuliornermi sullivittut
Pisumi aallarniisuupput eqqumiitsuliortoqatigiit qallunaat, dansk-it tysk-illu imminnut taallutik TURA YA MOYA  (www.turayamoya.de) 1989-imiilli taaneqartutut suleriaaseqarlutik ingerlatsisarsimasut. 2011-imi TURA YA MOYA -kkunneersut Karen Thastum aamma Silbat Kuitsi Nuummiissimapput ingerlatartik NIPI & QAAMASOQ SAGA takutikkiartorlugu, taamanikkullu Katuap silataani iikkamut Blok 8-llu isuani iikkanut kusanartunik seqersitsillutik takutitsisimallutik.  Tamanna container-imik angalatsitsilluni saqqummersitsisarlernermut aallarniutaasimavoq maannalu nuannaarutigalugu Nuummi silaannarmi ullut qulit, ullut ingerlanerini ineriartortinneqarluni ingerlanneqartussami, takutitaqarsinnaalissaagut. KNN, NAPA, Eimskib, SermeqFonden allallu aningaasaliisutut tunuliaqutsiisoralugit container-i 20 fods-iusoq  eqqumiitsulianngorlugu sullivinngorlugulu suliarisimavarput. 

Nunat avann arlermiut kalaallillu sumiiffigisaanni anersaaq
Anersaaq immikkoortunut 12-inut aggulugaavoq Nunani Avannarlerni Kalallit Nunaannilu sumiiffinnut 12-inut tikeraartinneqartussaasoq. Immikkoortut 1 aamma 2 Norge-p avannaani takutinneqarpoq immikkoortullu 3-5 Island-imi takutinneqarlutik. Immikkoortut 6-iat Tunumi takutinneqarpoq 7-ilu tassaassalluni Nuummi Katuami akutinneqartussaq. Tassanngalu ingerlaartinneqassaaq  Qeqertarsuatsiaanut, Paamiunut, Arsummut, Qaanaamut Qaqortumullu. 2017-imi ingrlaartitaq Aarhus-imut, Europami kultur-ikkut illqarfiit pingaarnersaannut, utertussanngortinneqassaaq 2018-imi Berlin-imut ingerlaartinneqannginnermini.

Nunat Avannarliit Kalaallit Nunaatalu oqaluttuarisaaneriniit ullumikkut eqqumiitsulianut
Sumiiffiit tamat ingerlaartitap tikeraagai immikkuullarissuupput imaanut atallutik,nunasiaasimanermik ataatsimoorfeqarlutik aammalu inuiattut eqqumiitsulioriaatsitigut. Inuusuttut sinnattugarisaat uisoreriarnertut ittutut takusat ilanngullugit aammalu titartakkatigut taalliatigullu ulluinnarni inuunerit takusinnaallugit  saqqummersitsinerup ingerlanerani eqimmattakkuutaanik sulisitsisoqassaaq, tamanna ingerlaartitsinermut ilanngullugu pilersaarutareermat. Katersugaasivippassuarnit suleqatigineqartunit aaneqarput ilisarnaatit, nipit assilissallu Katuap silataani seqersinneqarlutik unnuunerani takutissorneqartussat.

Taamatut iliorluni ANERSAAQ sumiiffinnik oqaluttuarisaanernillu akuliussuissaaq, ilanngullugit Qaanaamiit Bodø-mut, Nuummiit Berlin-imut, Reykjavik-imiit Kuummiunut aammalu Eyrarbakki-miit Nuummut ingerlaarnerit.

Katualli iluani saniatigut saqqummersitsinerit assilisanik, qalipakkanik video-nillu akuleriiaarinerussapput.

Eqqumiitsuliortoqatigiit Tura Ya Moya-kkut ( DK / D / GL ) ingerlatarisaat nunarpassuarni ilisimaneqarput takutinneqartarnikuullutik kalk-imik qaarusumng, silo-mi (soorlu karrinik uninngatitsivissuarmi), Charlottenborg-imi imaluunniit Den nye Arkitektur-imi, Nunat Avannarliit Berlin-imi aallartitaqarfianni, tamakkunani tamani Tura Ya Moya-kkut ingerlatinerini sumiifiit tamarmik allanngorluinnartarsimapput, nipit qaammaqqutillu suleqatigiissillugit eqqumiitsuliat atorlugit.  Ukiut  2010-13-illu akornanni eqqumiitsulioqatigiit ingerlatippaat taasatik NIPI & QAAMASOQ SAGA aamma TAARNERATA NAIAANI SAARSUATITAT / VINTERLYS / VETURLJÒS,  Kalaallit Nunaanni aamma Island-imi Nationalmuseum-ip silataani seqersitsilluni ingerlanneqartut. 

ANERSAAQ-mi EQQUMIITSULIORTUT:  
Mia Lindenhann (GL), Compose and visual Artist Udo Erdenreich (D), Jeanette Land Schou (DK), Maria Gradin (S), Harald Bodøgaard (N), Anders Sunna (S) og Julia Pars (GL). Inussuttut angallavigisat ilaanneersut, Erinnat: Silbat Kuitse (Kal. Nun.) Atortorissaarutit atorlugit eqqumiitsuliortoq, katiterisoq aammalu ingerlanneqartumi aqutsisoq: (Qall. Nun.).

Saqqumersitsineq pissaaq 20. oktoberimiit 13. novembarip tungaanut.

Aningaasaliisut:       

Nutaarsiassanik pisartagaqalerit

Cookies

katuaq.gl bruger cookies

Cookies er nødvendige for at få hjemmesiden til at fungere og giver info om, hvordan du bruger vores hjemmeside, så vi kan forbedre den både for dig og for andre. katuaq.gl bruger primært cookies til trafikmåling, login og optimering af sidens indhold. Hvis du klikker videre på siden, accepterer du vores brug af cookies.