Katuaq logo Kulturip Illorsua - Kulturikkut pikialaartitsisoq

Pinnersaatit atorlugit Nunarsuup Avannaarsuanik saqqummersitsineq

Pinnersaatinik kusanaqisunik saqqummiisut: Hanne Bruun, Carla Krutzen, Palle Møller aamma Karen Fly takusakkit

Ulloq:

Sumi: Paarlersuaq
Periode


Akeqanngilaq

Inuit sisamat marlunnik soqutigisaqatigiissuussut;  Pinnersaatit aamma Nunarsuup Avannaarsuanik. Pinnersaasioriaatsit assigiinngitsut atukkatik aallaavigalugit inuit pineqartut suliatik nutaat nutaanngitsullu takutissavaat. Neriuutigisaat tassaavoq soqutigisami iluini paarlaasseqatigiinnissartik akunnermiminnilu isumassanik nutaanik tunioraannissartik. 


Hanne Bruun, savimineq atorlugu ilusilersuisartuuvoq, ukiunilu kingulliunerusuni Holland-imi najugaqarsimalluni, tassanilu nunami pisortatigoortumik gudsmede-tut ilinniarnermik Zadkine Academy in Amsterdam-imi ingerlatsisimalluni, ukiut marluk atuarnini unitsippaa allamullu ingerlaqqilluni. Kingusinnerusukkut Haag-imi Mirte´s Edelsmederij-imi ilinniartuusimalluni kingusinnerusukkullu 2007-imi 2014-imut CarlaKrutzen´s Breston Akademie-mi ilinniaqqissimalluni, nunatsinni Nuummut uteqqinnginnermini. Pinnersaasiaasa ilisarnaatigivat Inuit ilusiliaannik ileqqut malillugit sulianik nutaalianillu akuleriiaarisuunini. 


                                                 

                                                 Hanne Bruun

Carla Krutzen, ”Academie voor Beeldende Kunsten Maastricht”-imi ilinniarsimavoq, makku pingaarnertut malittarisimallugit: saviminernik allanillu akuukkanik ilusilersuineq. Kingusinnerusukkut Carla atuarfiliorpoq  Breston Akademie-mik taasaminik saviminernik nillertumik saffiornieqarsinnaasunik ilusilersuinernik ilinniartitsitsiviusumik. Tassani ukiut 25-it ilinniartitsereerluni ukioq 65-iliigami 1. januar 2014 unippoq. Carla-p suliai tassaanerupput pinnersaatit ulluinnarni atorneqarsinnaanerusut, tassaasut ilusilersugaanermikkut Carla-p ujaqqanik saviminernillu eqqumiitsuliortartuuneranik ilisarnaateqarluartut. Carla Hanne-mut ilinniartitsisuullunilu tunuliaqutaasarsimavoq.

                                                 

                                                 Carla Krutzen

Palle Møller, ilinniarsimaassunngitsutut imminut taasarpoq pinnersaasiornermillu aatsaat sammisaqalersimalluni 47-inik ukioqarluni. Ilaatigut ilisimasanik pissarsisimavoq gult-inik pinnersaasiortumi Werner Hahn-imi sulinermini. Ullumikkut Palle pinnersaasiornermik inuuniuteqarpoq aammalu ujaqqanik Kalaallit Nunaannersunik nassaaminik pinnersaasiaminut ikkussuisarneq sammingaatsiarlugu. Palle amerlanngitsut akornanni Kalaalit Nunaanni guultimik pinnersaasiortuuvoq, Nalunaq-llu 2009-mi  matunerata kingorna suli tassannga guultinik peqarluni. Palle-p suliaasa aallaavigivaat Kalaallit Nunaanni pinngortitami ilusit, annertuumik sullissap oqaloqatiginerani isumaqatigiissutigisat tunngavigalugit.


                                                   

                                                   Palle Møller

Karen Fly pinnersaasiortuuvoq København-imi Institut for Ædelmetal-imi ilinniarsimalluni. Iluserpassuit assigiinngitsut aallaavigalugit 2006-imiilli pinnersaasiortarsimavoq ukiullu ingerlanerini nersornaatinik ataqqinaatinillu arlalinnik pisarsisarsimalluni. Karen-ip nalinginnaasumik ileqquusinnaasut qimallugit namminerluinnarli isummani malillugit sulineq pingaartitarisuuaa saqqummiussamini ileqquusut qimalluinnarlugit nutaaliorluni inaarssaalluni pinngotitsisarluni. Karen kusanarluinnartunik akimasuunillu aammalu qungujuummernarsinaasunik pinnersaasiortarpoq.

                                                  

                                                  Karen Fly

Hanne Bruun-ip, pinnersaasiani makku saqqummersitsinermut katersorsimavai, suliaminilu salliutillugu kissaatigalugu meeqqanut isumassarsisitsinissaq, pinnersaasiornermut kiisalu nutaaliorumalernermut kajumilersitsisumik. Taamaattumik meeqqasi saqqummersitsinermut ilaginiarisigit.


Sponsorer: 

Nutaarsiassanik pisartagaqalerit

Cookies

katuaq.gl bruger cookies

Cookies er nødvendige for at få hjemmesiden til at fungere og giver info om, hvordan du bruger vores hjemmeside, så vi kan forbedre den både for dig og for andre. katuaq.gl bruger primært cookies til trafikmåling, login og optimering af sidens indhold. Hvis du klikker videre på siden, accepterer du vores brug af cookies.