Katuap - Kalaallit Nunaata Kulturikkut Illorsuata kulturikkut illorsuaanermini pissusissamisoortutut pisussaaffigaa inuussutissarsiutigalugu isiginnaartitsinerit Kalaallit Nunaannersut Nunanillu Avannarlerneersut takutissallugit. Isiginnaartitsinerit nalinginnaasumik pingaartinneqartarput, ingammillu isiginnaartitsissutit kalaallisoortut salliutinneqartarput, Katuap kalaallit kulturiannik siuarsaanissani pissusissamisuuinnartutut isigimmagu. Taamaattumik Katuap kalaallinik isiginnaartitsinermik aallutaqartunik suleqateqarnissani suliassatut pingaaruteqartutut isigaa.
Meeqqanut inuusuttuaqqanullu isiginnaartitsisusiortarneq salliutinnerusarput, meeqqat inuusuttuaqqallu isiginnaartitsinerup silarsuaa inuunerminni siusissukkut misigissallu periarfissaqarnissaat Katuap pingaartimmagu. Tamanna ilaatigut kulturikkut assigiinngissitaarnermut paasinninnermik ammaasarpoq isiginnaartitsissutillu atorlugit ilisimasat annertusarneqarsinnaapput, meeqqat inuusuttuaqqallu toqqaannartumik toqqaannanngitsumillu ulluinnarni atorsinnaasaannik.
Katuap - Kalaallit Nunaata Kulturikkut Illorsuata anguniagaraa ukiumut ikinnerpaanik tallimariarluni isiginnaartitsissutinik takutitsisarnissani, taakkunannga isiginnaartitsissutit ikinnerpaamik marluk kalaallisut oqaasertaqassapput. Isiginnaartitsissutit taakkua ilaat Katuap aningaasaliisui suleqatigalugit kulturikkut illorsuarnut allanut kommuunerujussuit sisamat suleqatigalugit angalaartinneqartassapput. Susanne Andreasen, eventcoordinator@katuaq.gl, isiginnaartitsinernut qitinnernullu aaqqissuussinernut ataqatigiissaarisuuvoq sulianillu aqutsisuulluni.
|
|
|
