Inersuaaraq isiginnaartitsinernut qitinnernullu annikitsunut atussallugu tulluunnerpaavoq, tassani tusarnaariat isiginnaariallu qanimut tusarnaakkaminnik isiginnaakkaminnillu inersuaaqqap angissusaa peqqutigalugu misigisaqarsinnaapput. Inersuaaqqami ilaatigut Silamiut Macbeth kalaallisut isiginnaartitsissutiginikuuaat, Det Hungrende Bæst Rasmus Lyberth pingaarnertut inuttaralugu isiginnaartitsissutiginikuuaat, kiislau Mandedatter Konedatter NAPA-mit allarpassuarnillu peqataaffigineqartoq isiginnaartitsissutigineqarnikuuvoq. Inersuaaraq ataatsimiinnernut, nersornaasiinernut, ilasseqatigiissitsinernut, kalattuunik il. il. takutitsinernut atorneqakulasarpoq.
Inersuaaraq kipparissunngorlugu sanaajuvoq scenemullu 5 x 6 meterinik angissusilimmut inissaqarluni. Isiginnaartitsissutip initussusaa naapertorlugu inersuaaqqami inunnut 80-it 250-illu akornanni issiavissaqarpoq, tassani aamma apeqqutaallunil matup inersuaaqqap saneraaniittut ammanersut matoqqanersulluunniit. Inersuaraq Inersuartulli nuna tamakkerlugu toqqaannartumik radiukkut tv-kkullu aallakaatitsinissamut piareersagaavoq kiisalu nipilersortunut, erinarsortunut, isiginnaartitsisunut qitittunullu atugassanik nipimut qullernullu sunut tamanut atorneqarsinnaasunik atorissaaruteqarpoq.
|
|
|
