Hans Lyngep Inersua klassiskinik tusarnaartitsinernut, inuiaat nipilersuutaannik tusarnaartitsiffittut, filmertarfittut, tusarnaartitsiffittut il. il. atorneqarnermi saniatigut isiginnaartitsinernut qitinnillu takutitsinernut annertuunut atorneqakkajuttartpoq. Inersuamut atasumik eqqumiitsuliortunut ineqarpoq pinnersartarfeqarlunilu eqqortumik qullilimmik, uffarfeqarpoq atisanillu nivinngaaveqarluni.
Hans Lyngep Inersua isiginnaartitsissutinut annertuunut atorneqartarpoq Det Kongelige Teateri isiginnaartitsisunik, balletertunik operartunillu inersuarmi takutitsinikuuvoq.
Saamit isiginnaartitsisartut tusaamasat Beaivvás Katuami isiginnaartitsissartunik 17-inik inuttaqartut, Dida's Damsebureau allarpassuillu isiginnaartitsinikuupput.
Sceni 9 x 10 meterinik angissuseqarpoq 5,5 meterinillu portussuseqarluni. Sceni qullernik qaammarsarluagaavoq, qulliillu assigiinngitsunik qalipaatillit nivinngarnissaannut periarfissaqarpoq tippilu scenep tunuatungaaniittoq qernertumik qaqortumillu qalipaateqarpoq. Inersuaq nipilersortunut, erinarsortunut, isiginnaartitsisunut qitittunullu atugassanik nipimut qullernullu sunut tamanut atorneqarsinnaasunik atorissaaruteqarpoq.
Scenip tippia tungujortoq taartoq Kalaallit Nunaata eqqumiitsuliortuanit tusaamasamit Aka Høeghmit sanaajuvoq.
Inersuaq inunnik 508-nut issiaveqarpoq.
|
|
|
