Nipilersortartut erinarsortartullu assigiinngiiaarnissaat Katuami qulakkeerniartarparput, taamaasilluni nipilersortartut erinarsortartullu amerlasuunit amerlannginnerusunillu tusarnaarneqarusuttut appisimaartinnissaannut inissaqartinniarlugit. Rockertitsisarpugut, poppertitsisarpugut, bluesertitsisarpugut, klassiskinik erinarsortitsillutalu nipilersortitsisarpugut, rappertitsisarpugut allarpassuillu. Aammalu nipilersortartut erinarsortartullu sakkukinnerumaat inuppalaarnerumaallu inissaqartinneqartussaapput.
Nipilersornerup erinarsornerullu tungaatigut pinngorartitsisinnaanermik piginnaasat pisinnaasallu ineriartortinniarlugit, Katuap nipilersornermik erinarsornermillu aallutaqartut Kalaallit Nunaanniittut qanimut suleqatigerusuppai, workshopertitsinissamut aaqqissuussinernullu allanut, inuussutissarsiutigalugu inuussutissarsiutiginagulu nipilersornermik aallutaqartut peqataaffigisinnaasaannik, isumassarsianut ammavugut.
Nipilersornerup tungaatigut aaqqissuussat aaqqissuussinermut pisortamit isumagineqartarput. Katuami aaqqissuunneqarsinnaasumik nipilersornermut tunngasumik isumassarsiaqaruit, taava Kristine Winberg kristine@katuaq.gl, saaffigiuk.
/musik1.jpg)
|
/musik2.jpg)
|
/musik3.jpg)
|
