Inersuaaraq kipparissuuvoq aaqqissuussinernut nipilersornermut, isiginnaartitsinermut, atuakkanik saqqummersitsinerut, oqalugiartitsinernut ataatsimeersuarnernullu annikinnerusunut assigiinngitsorpassuarnut atussallugu tulluuttorujussuulluni. Inersuaaqqap iminnarnera pitsaasorujussuuvoq, tusarnaartitsinernullu nipitsorsaatinik atortulersorfiunngitsunut pitsaasorujussuulluni. Inersuaaqqap ajunngequtaasa ilagaat Cafétuap eqqaani inissisimagami, taamaasilluni nipilersornermik aaqqissuussinerit cafémi sassaallernermik ilaneqarsinnaasarput.
Inersuaaraq aaqqissuussinermut tulluussarlugu aaqqissuunneqarsinnaavoq, imatullu sananeqarsimalluni nipilersortitsinerit matoqqasuusinnaallutik imaluunniit Inersuaaqqap matui saneraaniittut ammasuusinnaallutik.
Inersuaaqqap matui saneraaniittut matoqqatillugit inuit 80-it isersimasinnaapput, matullu ammatillugit inuit 150-it 200-llu missaanniissinnaallutik. Inersuaaraq nipip, qulliit scenellu tungaasigut atortorissaarusersorneqarsinnaavoq.
|
|
|
