Ataatsimeersuarnerit
Katuaq - Kalaallit Nunaata Kulturikkut Illorsua suliamut tunngasut pinngortitamik eqqumiitsulianillu misigisaqarneq akuleriisillugit Issittumi inuiaqatigiit nutaaliaasut misigisaqarfiginissaannut immikkuullarissumik periarfissaqartitsivoq. Kulturikkut illorsuup illoqarfiup qeqqarpaani pisiniarfinnut, pisiniarfissuarnut unnuisarfinnullu qanittumi inissisimanerata ataatsimiinnernut peqataasunut ataatsimiiffissaqqittuutilerlugulu ataatsimeersuarfissaqqittuulersippaa.
Katuap iniutai aningisuujupput aaqqissuukkuminartuullutillu, taamaattumik inuit 510-t angullugit ataatsimiinnerit ikittunik imaluunniit amerlasuunik peqataaffigineqartut aaqqissuunnissaat periarfissaavoq. Init tamarmik ataatsimeersuarnermi pisariaqartinneqartut kissaatigineqartullu naapertorlugit aaqqissuunneqarsinnaapput. Tamanna aamma atortorissaarutinut tunngasunut atuuppoq, Katuaq nammineerluni nipip, qulliit videiokkut oqarasuaatikkullu aallakaatitsinernik misilittagalinnik atortorissaaruserisoqarpoq.
Init tamarmik seqersartoqarput, seqertitsiveqarput whiteboardeqarlutillu, ataatsimeersuartitsinerillu tamaviisa imermik sikulimmik mappinik pappilianik imalinnik akeqanngitsumik tigoriaannarnik peqatarpoq. Katuap sulisumi saffasissumik inissisimasut kiffartuussilluarnissaat pingaartittorujussuuaa. Taamaattumik Katuap sulisuisa Katuap tusaamasaassutigisaanik tikeraat nunarsuami suminngaanneeraluartulluunniit qungujulaarlutik ilakkuminarlutillu tikilluaqqunissaat piareersimaffigiuaannarpaat.
Katuap inaataasa initussusaat:
Ataatsimeersuarnerit ataatsimiinnerillu pillugit paasissutissanik sukumiinerusunik pissarsiniaruit sukkulluunniit cafémi ataatsimeersuarnernullu pisortamut Evy Holdingimut, konference@katuaq.gl imut imaluunniit (+299) 554620-mut saaffiginnissinnaavutit.
|
|
|
