Aningaasaliissutit atorneqartarneri

Air Greenlandip Katuallu kulturikkut misigisassat Kalaallit Nunaannukaallugillu Kalaallit Nunaata iluani angallattarpaat. Aningaasaliissut angalanermut kontumik imaqarpoq, taannalu Katuami aaqqissuussinernut pilersaarutaareersunut imaluunniit sinerissami angalaartitsinernut atorneqartarpoq. Aningaasaliissut Katuamut nalitoorujussuuvoq, taamaasilluni Nuummi sinerissamillu kulturikkut aaqqissuussinernik neqeroorutit amerlanerulersinnissaannut periarfissiisarami. NAPA, Sermermiut Taseralillu isumaqatigiissummut ilaapput. Katuamut billetinik immikkut ittumik qinnuteqartoqarsinnaanngilaq, kisianni Katuap kulturikkut suleqatigiinnernut billetinik tunissuteqartarpoq.

NunaFonden Katuarlu Nuummi sinerissamilu kulturikkut aaqqissuussinernut ukiunik pingasunik sivisussusilimmik suleqatigiinnissamik isumaqatigissuteqarput. Aningaasaliissuteqarnerup Katuap ingammik meeqqanut, inuusuttuaqqanut inersimasunullu isiginnaartitsisunik Nuummi illoqarfinnilu sinerissamiittuni allani neqeroorutigisinnaasai amerlanerulersippai.

Royal Arctic Line Katuarlu Katuap saqqummersitaanik isiginnaartitsinermullu atortunik Atlantikukkoortitsinermut Kalaallit Nunaatalu iluani angallassinermut ukiunik pingasunik sivisussusilimmik isumaqatigiissuteqarput. Aningaasaliissuteqarnerup saqqummersitsinerit Nunanit Avannarlerneersut Kalaallit Nunaanneersullu Katuami saqqummersinneqarsinnaanerat periarfissaqartilerpaa, taamaattumillu aningaasaliissutip taassuma kulturikkut neqeroorutit amerlanerulersippai. Taakkua saniatigut aningaasaliissutip Nuummi illoqarfinnilu sinerissaniittuni meeqqanut, inuusuttuaqqanut ingersimasunullu isiginnaartitsissutit pitsaasut takuneqarnissaat periarfissaalersippaa.

NAPA Katuarlu ukiunik pingasunik sivisussusilimmik isumaqatigiissuteqarput, isumaqatigiissutip Katuaq periarfissippaa ingammik isiginnaartitsisartut, qitittartut nipilersortartullu Nunanit Avannarlerneersut Kalaallit Nunaannukartitsinissaanut. Aningaasaliissutip kingunerisaanik kulturikkut misigisassat amerlanerulersippai Katuarlu Nunani Avannarlerni pisunik qulaani taaneqartunut tunngassuteqartunik takutitaqarnissaanut periarfissippaa.

Katuap 1. januar 2012 aallarnerfigalugu suliffeqarfiit tapiisartui aalartippaa. Taamaalillutik suliffeqarfiit kultuurikkut tapiinissaminnut aamma periarfissillugit. Maannakkumut tapersersortaasut tassaapput: 

Taassuma saniatigut Katuap Nuuk FM kulturip radiukkut ussassaarutigineranik eqqumiitsuliortunik, nipilersortartunik, erinarsortartunik, isiginnaartitsisartunik qitittartunillu apersuinermik ikiortarpaa.