Tapiissuteqartarneq pillugu paasissutissat uani takuneqarsinnaapput, immersugassallu tapiissuteqartarnermut qinnuteqarfissat aamma aaneqarsinnaallutik.
Tapiissutigisinnaasagut
Kulturimut tunngasunik aaqqissuussinerni pituttuutaanngitsumik siunnersuinerit allartisarnerinilu ikiuineq, ass. aaqqissukkat allaaserineri, aningaasatigut missingersuusiornerit, aningaasaateqarfinnut qinnuteqarneq, isumaqatigiissusiornerlu.
Kulturimut tunngasunik sulianut annikitsumik aningaasanik tapiineq, allatigulluunniit ikiuineq suleqateqarnerlu.
Kulturimut tunngasunik aaqqissuussanut annertuunik suleqateqarneq ass. isiginnaartitsissusiornerni, qitinnermut nipilersornermullu tunngasuni - qinnuteqareernikkut akuerisanut.
Illit / ilissi nammineq aaqqissuussap piviusunngortinnissaanut iliuuseqartarnissarsi aningaasaateqarfinnullu qinnuteqartarnissarsi taamatullu taperneqarsimasarnissarsi pingaartipparput.
Qinnuteqartut tamarmik qinnuteqarnermi immersugassaq immersortassavaat, Katuallu tapiisarnermik ataatsimiititaliaata nalilertassavaat.
Qinnuteqaatit suliarineqassagunik aaqqissuussassaq pitinnagu kingusinnerpaamik qaammatit marluk sioqqullugit nassiunneqartassapput. Aaqqissuussinerni annertuuni minnerpaamik ukioq ataaseq sioqqullugu qinnuteqaat nassiunneqartassaaq.
Taperneq ajukkagut
Aaqqissuussat Katuap anguniagassaanut kulturimullu tunngasumik suliaqarneranut attuumassuteqanngitsut.
Allat namminneq aningaasarsiutigalugu paarlersuarmi tusarnaartitsisarnerat - uagut nammineq ukiumut arfineq pingasoriarluta paarlersuarmi tusarnaartitsisarpugut.
Atuaqatigiit nunanut allanut paasisassarsiorlutik angalanissaannut allanulluunniit tusarnaartitsinikkut aningaasarsiorneq (taamaallaat ikiuinermut tunngatillugu tusarnaartitsinerit immikkut nalilersorneqartartut).
Nipilersoqatigiit inuillu ataasiakkaat nunatsinni avataanilu nipilersoriarlutik angalaarnissaannut tapiineq ajorpugut.
Suliffeqarfiit sulisuinut akikillisaaneq ajorpugut.
Attavigitigut
Uunga saaffiginnissinnaavutit:
Tapiisarnermik ataatsimiititaliaq
Katuaq
Postbox 1622
3900 Nuuk
E-mail: information@katuaq.gl
Qinnuteqaatit
Qinnuteqatinut immersugassat uani aasinnaavatit:
Isiginnaartitsinissamut, qitinnernut ilaannullu tapiissummik qinnuteqaat - aajuk
Angalanissamut tapiissummik qinnuteqaat - aajuk
