Katuaq logo Kulturip Illorsua - Kulturikkut pikialaartitsisoq


Inuit Feet

Assi: Inuit Feet Aasianni NIPIAA Rockfestivalimi 2014-imi appisimaartut

     

Inuit Feet nipilersortartuupput Aarhusimi najugallit. Nipilersortui tamarik erinarsortuat minillugu qallunaajupput. Erinarsortuat, taalliortuat aammalu erinniortuat Kristian Mikkelsen, Nanortalimminngaanneerpoq taakanilu meeraanikuulluni. Tallimanik ukioqarluni ilaquttanilu Danmarkip kujataanut nuupput, inuusuttuaraanerminilu aamma Nuummi najugaqalaarsimalluni.

Inuit Feet nipimik sakkortuumik pilersitsinissamut nuannarisaqartuupput taallai socialrealismimik quianarsinnaasunillu imallit, allaat nillernerpaanik uummatillit aatsittarlugit. Arnanut asanninneq, ulluinnarni ajornartorsiutit aamma nuannataarniarnerit nukeeruttut sammillugit, Inuit Feet qaaqqorusuppaat tusarnaariat silarsuarmut oqaatsinik marlunnik atugaqarlutik ulluinnarni inuup eqqarsaatigisartagai aamma misigissusai. Erinnat Kalaallisut aamma Danskisut taallalersugaapput.

Inuit Feet pillugu paasisaqarnerorusukkuit: http://greenlandicpopularmusic.com/inuit-feet/

Facebook: https://www.facebook.com/Inuit-Feet-Ajortorpassuit-Alverdens-ulykker-308191682530694/info/?tab=page_info

Youtube: https://www.youtube.com/user/Inuitfeetcom

    

    

Punjab

Assi: Punjab

    

Alternativ fuckrock jazzimik imaqarluartoq – nipilersoriaasiat tiguartinnartoq assullu pissarsiaqarnartoq taamatut taaneqarsinnaavoq. Punjab angutit inuusuit arfinillit 2012-imi pinngortippaat, kingornalu tusarnaariat uummataat tiguartarsimavaat Savalimmiut nipilersortarfii amerlanerpaat, soorlu G! Festival, Voxbotn, Tórsfest, Við Murin, Country & Blues Festival allarpassuillu aqqutigalugit. Appisimaartarnerit nalaanni immiussinissartik siunniupaat, taannalu taaguutigaa “The Flying Elephant”, 2015-imi septembarip 18-iani saqqummertoq. Saqqummersitsinerannut atatillugu tusarnaartitsilerlutik isissutissat tamarmik nungupput. Nuuteeraliaat namminneq erinniaminnik taalliaminnillu imaqarpoq Studio Bloch, Torshavnimiittumi immiunneqarsimalluni. Naliliisartut assut nuannarisimavaat naliliinerminni 4,5-5/6 pitsaassusilersimallugu. Nuuteeraq, Kvørnin malillugu, Savalimmiuni 2015-imi pitsaanersaat sisamaattut qinersimavaat.

Punjab Faroese Music Award-ini(Savalimmiuni nipilersortartut nersornaasiisartut), Eivør Pálsdóttir assigalugu, qinigassanngortinneqarnerpaasimapput. ”Nipilersullaqqinnerpaattut, saqqummerluarnerpaattut, nuuteqqamik torrallaanerpaattut, erinarsortuginnerpaattut, erinarsuutillu ”Hairy Woman” aamma ”Run To You” nersornaasigaanissaannut innersuunneqarput”, tulluusimaarluni nipilersoqatigiinneersoq Matthias oqarpoq.
Faroese Music Awards 2016-imi Punjab nipilersullaqqinnerpaattut aamma saqqummerluarnerpaattut nersornaaserneqarput.

Facebook: www.facebook.com/fo.punjab

Spotify: https://play.spotify.com/album/11MaUVs03SaLUEfUVWhXWc

Musikvideo: https://www.youtube.com/watch?v=AgVbmvq5ibE

   

Aningaasaliisut:

        

    

Katuamut tusarnaartitsersuaartoqarnerani inuppassuarnut peqataajartorit, ukiormoortumik pisartoq Akisuanerit Festival ingerlanneqarnerani

Akisuanerit Festival 2016

Katuamut tusarnaartitsersuaartoqarnerani inuppassuarnut peqataajartorit, ukiormoortumik pisartoq Akisuanerit Festival ingerlanneqarnerani

Nutaarsiassanik pisartagaqalerit

Cookies

katuaq.gl bruger cookies

Cookies er nødvendige for at få hjemmesiden til at fungere og giver info om, hvordan du bruger vores hjemmeside, så vi kan forbedre den både for dig og for andre. katuaq.gl bruger primært cookies til trafikmåling, login og optimering af sidens indhold. Hvis du klikker videre på siden, accepterer du vores brug af cookies.