Katuaq logo Kulturip Illorsua - Kulturikkut pikialaartitsisoq


[ Error ]

Nanookkikkut CDmik ”Pissaaneqaqisut”-mik atilimmik saqqummersitseqqammersut ukiuni marlunni Nuummi nipilersorsimanngillat maannakkullu nipilersornissaminni CD-t pingasut tigulaariffigissavaat. Nipilersortartut 2009-mi siullermeerlutik ”Seqinitta Qinngorpaatit”-mik saqqummersitsipput tamatumalu kingorna ”Ai Ai” 2011-mi kiisalu singlelit arlallit kiisalu tusarnaartitsinermit immiussamik saqqummersitaq ataaseq arlaleriarlutik nunatsinni angalaartarsimapput, Katuamilu Ukioq Manna Kingullermik Tusarnaartitsinissami suut appissimaassaneraat tusassallugit assut pissanganarpoq. Nanookikkut takutitsillaqqinnertik tupaallatsitsillaqqinnertillu tusaamasaassutigaat qaaqqusanillu nipilersoqateqarnissartik neriorsuutigereerlugu. Tusarnaartitsinermi aamma qarlortartartunik kiisalu ”For Akia” Hans Mortensen kissassaassapput tusarnaartitsinerullu aallartilluarnissaa neriorsuutigalugu. Nanookikkut CD-nik 15.000-inik ikinnerunngitsunik tunisaqarsimapput saqqummersitaallu kingulleq ”Pissaaneqaqisut” pitsaasutut allaatigineqarsimasoq nipilersoqatigiit nipilersortarfimmi nuannarinerpaasaminni, Katuap paarlersuani, appisimaarutigissallugu qilanaarput. 

BONUS: Tusarnaariat siulliit 100-t Tuborgimik akeqanngitsumik pissapput!

Frederik: Soorunami erinarsuutit tusarnaartut nuannarisaat atussavagut, kisianni aamma saqqummersitarput kingulleq sammissavarput, taamaasilluni erinarsuutit nutaat nutaanngitsullu atorneqassapput - qilanaaqaagut!

 

Christian: Nuummi nipilersoqqusinernut arlalinnut naaggartariaqartarsimaneq ajornakusoortarsimavoq, nipilersortartutut nipilersorneq nukissamik aallerfiusarmat, aammalu qaqutigoortumik nipilersorujussuarnissamut qilanaaqaanga

NANOOK:

2009: "Seqinitta Qinngorpaatit" saqqummersinneqarpoq

2010: Christian & Frederik Kodap Nersornaasiuttagaanik Seqinitta Qinngorpaatit pillugu (Ukiumi Nersornaat) nersornaaserneqarput. Kingusinnerusukkut nipilersoqatigiit tunisaqarluarnertik pillugu sølvpladinnapput. Ukioq taanna ”Inuup Tarraa” aamma ”Ingerlaliinnaleqaagut” aamma saqqummersinneqarput, taakkualu inuusuttuaqqanut ersinartulersaarummi Qaqqat Alannguini nuannarineqaqisumi erinartaapput. Ukioq taanna aamma single “Nilliasa!!!” saqqummersinneqar, taanna Nunatsinni meeqqanut sumiginnarneqarsimasunut katersuiniussinermut atatillugu suliniutaavoq.

2013: Nanook Danmarkimi Mermaid Recordsimit nunani tamalaani CD-liai saqqummersitanit marlunneersut ataatsimoortillugit tuniniarneqarsinnaasutut akuerineqarput. Ukioq taanna nipilersoqatigiit tusarnaartitsinerannit CD, DVD aamma Blu-ray saqqummersinneqarput.

2014: “Pissaaneqaqisut” saqqummersinneqarpoq.

FOR AKIA:

*Hans Mortensen Qaqortumeersoq ”Alter Me” EMI-mik isumaqatigiissuteqarsimasoq aqqutigalugu ilisarisimaneqarpoq.

*"For Akia" ukioq manna P3-mi Karrierekanonimik taaneqartartumi unammisitsinermi single “When I Come Home” ajugaassutigaa, taanna maanna danskit radiuini tamani atorneqartaqaaq.

*Nipilersoqatigiit pingasuusartut maanna saqqummersitassartik siulleq immiuppaat, singleliaallut uani tusarnaarneqarsinnaavoq: https://www.youtube.com/watch?v=k6Q2P5GvaK0


Matut ammassapput nal. 21.00

For Akia 22.00 - 22.45

Nanook 23.00 - 01.00

Pisiaarnermi akia kr. 200,-

Matumi pisinermi akia kr. 250,-

15-17-nik ukiullit inersimasumik ingiaqateqarlutik isersinnaapput. Uppernarsaateqarnissaq pisariaqarpoq.

Katuamut tusarnaartitsersuaartoqarnerani inuppassuarnut peqataajartorit, ukiormoortumik pisartoq Akisuanerit Festival ingerlanneqarnerani

Akisuanerit Festival 2016

Katuamut tusarnaartitsersuaartoqarnerani inuppassuarnut peqataajartorit, ukiormoortumik pisartoq Akisuanerit Festival ingerlanneqarnerani

Nutaarsiassanik pisartagaqalerit

Cookies

katuaq.gl bruger cookies

Cookies er nødvendige for at få hjemmesiden til at fungere og giver info om, hvordan du bruger vores hjemmeside, så vi kan forbedre den både for dig og for andre. katuaq.gl bruger primært cookies til trafikmåling, login og optimering af sidens indhold. Hvis du klikker videre på siden, accepterer du vores brug af cookies.