Katuaq logo Kulturip Illorsua - Kulturikkut pikialaartitsisoq


Atlantic Music ApS suleqatigalugu Akisuanerit Festival ilisaritinneqarpoq. Ukiut tamaasa festivali ingerlanneqartartoq, ukioq manna Katuami ingerlanneqarnerani nipilersortartut kalaallit nuannarineqarnerpaat tusarneqarsinnaassapput.

Festivali ulluni pingasuni ingerlanneqassaaq Katuallu paarlersuani tusarnaartitsinerit tamarmik misigineqarsinnaassallutik. Tallimanngornermi Oktoberip 3-ani rap, rock tusaqqoornartorpassuillu erinnat nuannerineqarluartut tusarneqarsinnaajumaarput. Appisimaartuussapput Maasi, Asuki, Zikaza aammalu Sussat! Tusarnaarianut nuannisarfiunnissaa qularnanngilluinnarpoq.

Ullup aappassaa, arfininngorneq aamma ilisarnartorpassuarnik tusaamaneqarluartunik nipilersortoqassaaq soorlu Qarsoq, Naneruaq, Ulf Fleischer & Paarisa Band aammalu Ole Kristiansen. Ulf fleischer Paarisa Band peqatigalugit siornatigut tusarnaartitsillutik nipilersornikuunngisaannarput tamanna aamma alutornarlunilu nuannequtaasussanut ilaassaaq.

Festivali naggaserlugu sapaammi akeqanngitsumik meeqqanut inuusuttunullu tusarnaartitsineq ingerlanneqassaaq. Ukiut qulinngortorsiortoq Hinnarik nal. 15.00-miit aliikkusersuissaaq.

Oktoberip 3-niit 5-at ilanngullugu Katuami takunissat qilanaaraarput. Tallimanngornermi arfininngornermilu isertut siulliit 100-t immiaaqqamik akeqanngitsumik ataatsimik Tuborgimiit tunineqarumaarput.

Pisiaarnermi ullormut akia kr. 300,-

Matumi pisinermi ullormut akia kr. 350,-



Tallimanngorneq
Nipilersorneq nal. 21.00 - 02.15

Maasi

Asuki

Zikaza

Sussat!

 

Arfininngorneq

Nipilersorneq nal. 21.00 - 02.15

Qarsoq

Naneruaq

Ulf Fleischer & Paarisa Band

Ole Kristiansen

 

Sapaat

Akeqanngitsumik tusarnaartitsineq 15.00 - 16.00

Hinnarik Ukiut 10-t nalliuttorsiornera.

Aningaasaliisut: Atlantic Music ApS, Katuaq, TUBORG - gør noget ved musikken, Air Greenland, Grønlandsbanken, Sømandshjemmet.

Isussutissat nittartakkakkut pisiarineqarsinnaapput, Katuap saaffiginnittarfiani imaluunniit Atlantic Music aaqqutigalugu

Akisuanerit Festival 2014-imi nipilersortussat pillugit paasissutissat:

Maasi:

Maasi inuusuttuaraalluni Prussic-ikunni rappertartutut ilisimaleratsiguli nammineq aamma saqqummersitsereerpoq. Nunatsinni rappertartutut ataqqineqarluarpoq. Maasi siullermeerluni Akisuanerit Festivalimi peqataassaaq.

Asuki:

Nipilersoqatigiit Asuki siullermeerlutik Akisuanerit Festivalimi peqataassapput, tusarnaartitsinernilu suniluunniit ikuunnatitsillaqqissuuneri qilanaarisassaalluni. Nipilersukkat atugaat qiimanartuupput aallamanartuullutillu.

Zikaza:

Nipilersoqatigiit Zikaza arlaleriarlutik Akisuanerit Festivalimi appisimaartareerput, ukioq mannalu tusarnaartitsinissaminni erinnanik nutaanik tusarfiginissaat qilanaarilereersinnaavaput.

Sussat!:

Sussat! Nuuteeqqamik nutaamik saqqummersitsinikuullutik, erinnanik nutaanik pioreersunillu nuannarineqarluartunik appisimaassapput.

Qarsoq:

Nipilersoqatigiit Qarsoq siornatigut Akisuanerit festivalimi appisimaartareerlutik iluatitsilluartarmata ukioq manna appisimaaqqissapput.

Naneruaq:

Nipilersoqatigiit Naneruaq appisimaartillugit erinarsoqataanngitsoortoqartarunanngilaq. Ukioq manna tusarnaartut aamma taamaaliornissaat naatsorsuutigaarput.

Ulf Fleischer og Paarisa Band:

Nalunngilluagarput Ulf Fleischer nipilesoqatailu Paarisa Band tusarnaartitsinikuunngisaannarlutik siullermeerlutik Akisuanerit Festivalimi tusarnaartitsissapput.

Hinnarik aamma Frederik Elsner:

Hinnarik ukioq manna ukiunik qulinngortorsiorpoq, tamannalu malunnartinniarlugu Frederik Elsnerilu akeqanngitsumik sapaammi tusarnaartitsissamaarput.

Rikka:

Narsarmiu Rikka qaammatip tulliani aappassaaneerluni nuuteeqqamik saqqummersitsisussaq ukioq manna Qaqortumi Ole Kristiansenip appisimaannginnerani kissassaasuulluni appisimaassamaarpoq.

Ole Kristiansen:

Kia allap Akisuanerit Festival naggtaarsinnaavaa? Ole Kristiansen-p guitarimik ataasiakkaarisoq Nuka Absalonsen ukioq manna Akisuanerit Festivalimi kingulliullutik appisimaassapput

Akisuanerit festival ukunannga aningaasaliiffigineqarpoq:

    SØMANDSHJEMMET NUUK  


Katuamut tusarnaartitsersuaartoqarnerani inuppassuarnut peqataajartorit, ukiormoortumik pisartoq Akisuanerit Festival ingerlanneqarnerani

Akisuanerit Festival 2016

Katuamut tusarnaartitsersuaartoqarnerani inuppassuarnut peqataajartorit, ukiormoortumik pisartoq Akisuanerit Festival ingerlanneqarnerani

Nutaarsiassanik pisartagaqalerit

Cookies

katuaq.gl bruger cookies

Cookies er nødvendige for at få hjemmesiden til at fungere og giver info om, hvordan du bruger vores hjemmeside, så vi kan forbedre den både for dig og for andre. katuaq.gl bruger primært cookies til trafikmåling, login og optimering af sidens indhold. Hvis du klikker videre på siden, accepterer du vores brug af cookies.