Katuaq logo Kulturip Illorsua - Kulturikkut pikialaartitsisoq


 

 

Arnold Ludvig Sextet jazzimik nipilersortartuupput nunarsuarmi siammasissumeersunik nipilersortartulik. Erinniortuat, Arnold Ludvig, nipilersortartuni peqatigalugit nuusiartik siulleq, Voyages, 2013-imi saqqummerpoq nersualaarneqarluarsimallunilu. Jazzertartut taakku nuusiartik aappaat, Iceland, ineqqammerpaat taannalu Katuap Inersuaaraani sapaammi februarip 7-ni cafétuap brunchertitsinerani tusarnaartitsissutigissallunikku. Ilaqutariinnut tamanut tulluarluinnartoq, iserneq akeqassanngilaq.
Periarfissaqassaguit Arnold Ludvig Sextet februarip 5-ni Nuuk Centerimi nal. 16:00 appisimaalaartut alakkarsinnaavatit, tassanilu nuusiaat nutaaq pisiarineqarsinnaassalluni.

Arnold Ludvig Savalimmiormiuuvoq erinniortoq Atlantic Music Eventimi 2005-imi bassillaqqinnerpaatut toqqarneqarnikoq. 1992-imi FÍH nipilersornermik atuarfiani Jazz Performancemik inernikoq, tassanilu takutitsillaqqinnerpaatut leagatimik tunineqarluni tamatumalu kingorna jazzimik ilinniakkani McGill Universitetimi, Motreal, Canadami 1993-95-mi inerlugu.

Mariane Bitran Franskiuvoq qarlortartartoq 1st Prix-imik Koncervatoriami(CNR) qarlortaammik Regis Calle aamma Raymond Guyot ilinniartitsisoralugit inernikoq. 1981-imi inuuniutigalugu Parisimi nipilersortartunngorsimavoq, 1998-imiilli Københavnimut nuussimalluni.

Simon Spang-Hanssen saxofonertartuuvoq qallunaaq, 1978-imi akissarsissutaasartumit Ben Webster Pris-imik akissarsitinneqarsimasoq. 2008-mi Simon-ip nuusiaa ”Rainbow Spirit” Danish Jazz Award-imi erinniullaqqinnerpaatut nuusiullaqqinnerpaatullu piukkunneqarnikoq.

Alain Apaloo Togomeersuuvoq guitarertartoq Danmarkimut nuunneq. 1996-imi afro-popimik nipilersortartuni tusaamasaq Kojo Antwi nipilersoqatigisalersimallugu. 1999-mi Danmarkimut nuukkami Rytmisk Musikkonservatoriumimi inersimalluni. 2009-mi Alain nuusiaa, ”Floogate”, nersornaammi Danmarks Bedste World Music Album ajugaasimalluni.

Marko Martinovic pattattartuuvoq Danskiusoq Montenegromiit sorlalik. Nuusiaqqaataa “Quintessence” 2012-imi saqqummermat Grammy-mik piukkunneqarsimalluni taassumalu saniatigut nersualaarneqarluarsimalluni.

Niclas Compagnol Svenskiuvoq tumerparpaartartoq nersugaq Italiamiit sorlalik Danmarkimut nuunneq. Nunarsuarmi tumerparpaallaqqinnerpaat ilagaat, teknikkigissorsuaq, pikkorissutsiminik nipilersullaqqissumik, eqqoluartaarisarnerminik kiisalu pikkunartumik nipiliorsinnaanerminik tusaamasaq.

Arnold Ludvig Sextet pillugu paasisaqarnerorusukkuit nittartagaanni alakkarsinnaavat: http://arnoldludvig.com/

   
Aningaasaliisut:

  

                   

   

Katuamut tusarnaartitsersuaartoqarnerani inuppassuarnut peqataajartorit, ukiormoortumik pisartoq Akisuanerit Festival ingerlanneqarnerani

Akisuanerit Festival 2016

Katuamut tusarnaartitsersuaartoqarnerani inuppassuarnut peqataajartorit, ukiormoortumik pisartoq Akisuanerit Festival ingerlanneqarnerani

Nutaarsiassanik pisartagaqalerit

Cookies

katuaq.gl bruger cookies

Cookies er nødvendige for at få hjemmesiden til at fungere og giver info om, hvordan du bruger vores hjemmeside, så vi kan forbedre den både for dig og for andre. katuaq.gl bruger primært cookies til trafikmåling, login og optimering af sidens indhold. Hvis du klikker videre på siden, accepterer du vores brug af cookies.