Katuaq logo Kulturip Illorsua - Kulturikkut pikialaartitsisoq


Chilly Friday+Rocky Dawuni

Kalaallit nunaanni rockerlutik nipilersortartut tusaamasaanerpaat ilaat kingumut appisimaaqqilerput taamatuttaaq tusaamasarsuaq Rocky Dawuni unnummi tassani tusarnaarneqarsinnaajumaarluni

Ulloq:

Sumi: Paarlersuaq
Dato.

Rock & Reggae

Tusarnaartitsinerit marluk immikkuullarilluinnartut Katuamut tusarnaariakkit. Rockertartut tusaamasaalluartut utersaarlutik appisimaassapput tassaasut Chilly Friday. Taakkununnga kissassaassooq reggaemik nipilersortartoq nunani arlariinni tusaamasaalluartoq Rocky Dawuni.

Koncerten afholdes i Katuaqs foyer fredag den 4. september 2015

Matut ammassapput: 22.00
22.30 - 00.15 ROCKY DAWUNI
00.30 - 02.00 CHILLY FRIDAY
Pisiaarnermi Iserneq kr. 200,-
Matumi pisinermi kr. 250,-

15-17-nik ukiullit inersimasumik ingiaqateqarlutik ilaasinnaapput. Assitalimmik uppernarsaateqarnissaq eqqaamallugu.

Rocky Dawuni

Nunarsuarmi tusaamaneqaatigisaminik nipilersortartoq, aammalu inuit atugaannik pitsanngortitserusulluni ilungersortartoq Rocky Dawuni Ghana-minngaaneersoq, nipilersornerup tungaatigut nunat ukua killingi Afrika, Caribia, Usa-lu, tusaruminartumik nipilersuusiortarpoq ”Afro-Roods”-mik taasakkaminik, kinguaariit kulturilu akimorlugu ataatsimoorfiusumik nipilersortarpoq. Eqqissisimarpalaartumik salliunianngippalaartumillu pissuseqarluni aammalu inuit atugarisaanik pitsaaliuerusussuseqarluni suliniarnermigut ilisarisimaneqarluartuugami, Dawuni-p nipilersugai qitikkuminartut tusaqqoornartullu nunarsuarmi tusarnaartimik nuannarineqaatigai

Nipilersuutit anersaakkut attuisartut nipillu Afrobeat-mi tusaamasarsuup Fela Kuti-minngaaneersut , aammalu Bob Marley-p nipilersornikkut tusartittagai allalu nipilersortartut afrika-miut isumassarsiorfigalugi Dawuni nipilersuusiortarpoq assigiinngitsumik akoorlugu Afrobeat, Reggae nutaaliaasumillu pop-imik akoorlugit tusarnersumik nipimik pilersitsisarpoq.

CNN-kkut Afrika Top 10-miittuarnini aqqutigalugu Rocky Dawuni-p Stewie Wonder, Peter Gabril, Bono U2-meersoq, Jason Mraz, Janelle Monae, John Legend allarpassuillu nipilersoqatigisarsimavai.


Chilly Friday

Chilly Friday-kkut saqqummersitaat siulleq, Inuiaat 2000, immiunneqarpoq Atlantic Studie-toqqami Nanortalimmi, immiussinermi aqutsisoralugu Michael Christensen.

Iniuaat 2000 nuannarineqarluarpoq Chilly Friday-kkullu tigulluarneqarpt minnerunngitsumik erinarsuut ”Iggo” tusarnaarumaneqarluarpoq. Nuuteeraq tunisaalluarami siullermik Sølv-nnassutigivaat tullianillu Guld-mik pinnapput. Nuuteeraq nipilersuutini nuannarineqarnerpaat allattorsimaffiaaniipoq aammattaaq immikkuullarissutigivaa nipilersoqatigiit aatsaat nuuteeraq saqqummereersoq koncert-ertigamik, erinarsuullu ”Iggo” assut tusaqqoorneqarluni allaat tusaakatanneqartarluni nuannersumik.

Ukioq 2001-mi Chilly Friday-kkut aappassaanik nuuteeraliorput Saamimmiit Talerpianut. Nuuteeraq Nuummi Atlantic Studie-p immiussisarfiani nutaami suliarineqarpoq immiussinermi aqutsisoralugu Michael Christensen. Immiussinerup nalaani Chilly Friday-kkut iluminni ajornartorsiuteqarput, erinarsuutit ila suli naammassineqanngimmata.

Nuuteeraq Saamimmiit Talerpimmut, nipilersuummik nuannarineqarnerpaanut ilaasunut akuunngikkaluarluni tunisaalluarpoq. Imminut toquttarneq piffissami tassani qaffasippoq, nuuteeqqallu sananerani Chilly Friday-kkut misigissutsinik inissiiortorput erinarsuut “ Sialuit” taasumalu musikvideo-taa aqqutigalugu. Taanna suliaq “Sialuit” inuppassuarnik misigissutsikkut attuingaatsiarpoq. Nuuteeraq soorlu nukissamik nutaamik tunisisoq malunnarpoq tusarnaartitsinernilu assut nuannarineqartarput “Qivittut”, “Blachlisted” aammalu “ Whore 4 a day”

Nuuteeraq Sølv-nnappoq.

Chilly Friday-kkut saqqummersitaata tullia Tribune 2004-mi Nuummi immiussisarfik Ding Dong Studie-mi immiunneqarpoq Tribune, Kalaallit Nunaanni Namminersornerullutik Oqartussat 25-liineranni saqqummersinneqarpoq ataqqinninniarlutik.

Immiussinermi aqutsisuuvoq Alex Andersen. Nuuteeraq nipilersuutinik qulingiluanik imaqarpoq, 1970-kkunni 1980-kkunnilu saqqummeqqaarnikunik nipilersoqatigiinnik kalaallinik allanik. Chilly Friday-kkut nammineq sanaavat “Aajuna” immiussanut ilaavoq nuannarineqarluarporlu, nuuteeraq Tribune Sølv-nnappoq.

Kingornatigut Chilly Friday immiusseqqinnikuupput taaguutilimmik M/S Kalaallit Nutaat.


Tusarnaartitsinermut tapiisuupput:

Kulturikkut aningaasaliisoq

Katuaq Erhvervsklub

                  

Isiginnaartitsineq kiassutsip silarsuaani pissaaq, nunarsuarmi inuullu kiassusaa sammineqassalluni. Pinngoqqaartut marluk imeq aamma siku aallaavigalugu timi atorlugu takutitsisoqassaaq

Sermermiit Aalamut (From Ice To Steam)

Isiginnaartitsineq kiassutsip silarsuaani pissaaq, nunarsuarmi inuullu kiassusaa sammineqassalluni. Pinngoqqaartut marluk imeq aamma siku aallaavigalugu timi atorlugu takutitsisoqassaaq

Nutaarsiassanik pisartagaqalerit

Cookies

katuaq.gl bruger cookies

Cookies er nødvendige for at få hjemmesiden til at fungere og giver info om, hvordan du bruger vores hjemmeside, så vi kan forbedre den både for dig og for andre. katuaq.gl bruger primært cookies til trafikmåling, login og optimering af sidens indhold. Hvis du klikker videre på siden, accepterer du vores brug af cookies.