Katuaq logo Kulturip Illorsua - Kulturikkut pikialaartitsisoq


Nunatta avannaani ukiumi taartorsuusaraluartoq nipilersullaqqissorsuanik nipilersuusiullaqqissunillu pinngorartitsiuarpoq, erinniat rockiuppata bluesippataluunniit nunatta sineriaani ilisarisimaneqarluartut tusaqqoornartullu taavannga siammarterneqartuarput. Aasaq aallarnerlugu Katuap paarlersuani avannaani rockillammaat sunniuteqarluartut H.E.J. aamma bluesillammaat Disco Bay Blues juunip pingajuani 2016 tusarnaartitsissapput.

    

  

H.E.J. Ilulissat timersortarfianni juuli 2015-imi tusarnaartitsisut (Assi: Peter Hendriksen)
    

H.E.J.

Nunatta avannaani nipilersullaqqissorsuit rockertartut 1983-imili Ilulissani nipilersornerup silarsuaani sunniuteqarluartut H.E.J. erinnanik tusaqqoornartunik, qitinnartunik erinarsoqataanartunillu Katuap paarlersuani nipilersorlutik tusarnaartitsissutigissavaat. Nipilersoqatigiit ukuupput aallartikkamik: Herluf Møller, Erneeraq Markussen aamma Johannes Mølgård, taakualu atiisa aallaqqaataat ateqaatigiinnarsimallugit. Maanna aallaqqaataaniilli tumerparpaartuat Erneeraq Markussen toqukkut qimagutereerpoq. Nipilersoqatigiit ukiuni 33-ini appisimaartakkaminnik Ilulissaniinnaanngitsoq nunattali sineriaani qamuuna aalassatsitinartunik pilersuiuarsimapput. Kiammi erinnap “Ukiut” imaluunniit “Kalaallit Nunarput” erinarsoqataaffiginikuunngilai? H.E.J.-kut Katuap paarlersuani appisimaalerunik qularinngilaat inuit tiguartitsimaarlutik erinarsoqataasarnissaat.

H.E.J.-imi nipilersoqatigiit ukuupput:
Herluf Møller Guitarertoq erinarsortorlu
Johannes Mølgaard Guitarertoq
Jonas Fleischer Pattattoq tulleertorlu
Ove Olsen tumerparpaartoq.
Isak Schmidt qatitoortoq.

     

             

(Assi: Disco Bay Blues)

   

Disko Bay Blues

2003-imili inuusuttuarallutik nipilersoqatigiittalersimasut tusarnaartitseqqaartaleramilli tusarnaartunik tupaallattitsisartut Disko Bay Blues suli ulloq manna tikillugu nipilersoqatigiillaqqinnersuartik tusamasaassutigaat. Disco Bay Blues Albuminik marlunnik saqqummersitsinikuupput siulleq 2005-imi ”Disco Bay Blues” saqqummersikkamikku tullialu 2010-mi ”Serqernup Tungaanut” saqqummersimmassuk. Nunatsinni rocki aallaavigalugu nipilersortartorpassuit akornanni kisiartaapajaarlutik namminneq bluesinik taalliorlutillu erinniortartut erinnanik qitikkuminattumik tusarnaartitsinermilu nipilersoqatigiillaqqissorsuarnik tusarnaarnissannut periarfissaqarputit.

Disko Bay Bluesimi nipilersoqatigiit:
René M. Fleischer Guitarertoq erinarsortoq.
Jonas Fleischer pattattoq.
Ove Olsen tumerparpaartoq.
Isak Schmidt qatitoortoq.
Arne Lars Kristensen guitaarertoq.

        

Matut ammassapput: 21.00

Disco Bay Blues: 22.00 – 23.35

H.E.J.: 23.50 – 01.30

Pisiaarnermi: kr. 150

Matumi: kr. 200

    

Aningaasaliisoq:

Katuamut tusarnaartitsersuaartoqarnerani inuppassuarnut peqataajartorit, ukiormoortumik pisartoq Akisuanerit Festival ingerlanneqarnerani

Akisuanerit Festival 2016

Katuamut tusarnaartitsersuaartoqarnerani inuppassuarnut peqataajartorit, ukiormoortumik pisartoq Akisuanerit Festival ingerlanneqarnerani

Nutaarsiassanik pisartagaqalerit

Cookies

katuaq.gl bruger cookies

Cookies er nødvendige for at få hjemmesiden til at fungere og giver info om, hvordan du bruger vores hjemmeside, så vi kan forbedre den både for dig og for andre. katuaq.gl bruger primært cookies til trafikmåling, login og optimering af sidens indhold. Hvis du klikker videre på siden, accepterer du vores brug af cookies.