Katuaq logo Kulturip Illorsua - Kulturikkut pikialaartitsisoq


Katuami Unnuk Kulturisiorfik 2016

 

Hans Lyngep inersuani filmertitsisartoq peqatigalugu filmertarfik oqaluttuarineqarlunilu takornariarneqarsinnaassaaq, tassanilu Inuiaat Isaat nittartagaani qanga filmiliat ingerlaartinneqassallutik.

Paarlersuarmi meeqqat kiinaat qalipatsinneqarsinnaassapput, qalipatsinnermilu nalaani inersuaaqqap isaariaata qulaani Katuami aaqqissuussat pereernikut assitai sarsuatinneqartut isiginnaarneqarsinnaassallutik.
Taassuma saniatigut paarlersuarmi peqatigiiffiit Sikkerneq aamma Neriuffik sanalukkanik assigiinngitsunillu tuniniaassapput.

Inersuaaqqami nipilersortartut assigiinngitsut appisimaassapput. Siulliullutik appissapput nipilersornermik ilinniarfimmi atuartut, taakkualu unnuup ingerlanerani arlaleriarlutik tusarnaartitsissallutik. Tamatuma kingorna Jaaku Sørensen appissaaq. Unnuk naggaserlugu 2000-ikkut aallartisimalaarnerani nalunngillualernikuusarput Tupaarnaq Ingemann Viila Sandgreen peqatigalugu guitarertartoq tusarnaartitsissapput.

Nipilersortut unikaallannerini ikinngutigiit inaanni(venskabssalen) atuakkiortut marluk taalliortorlu ataaseq saqqummersitaminnik atuaassapput. Siullermik Rosa Lorentzen Poetry Slam-imi unammilluni peqataanikoq taallaatiminik atuaassaaq, tullernguulluni peqataassaaq DR-ip radioani juulleriartorani aallakaatitassiortoq Niviaq Korneliussen taannalu atuakkiaminit tigulaarinnilluni atuffassissalluni. Kingulliussaaq Atuakkami Allatta 240-mi atuakkioqataasoq Mads Chemnitz taannalu allannikuusaminik atuaassaaq.

Ataani takuneqarsinnaapput pilersaarutit malillugit susoqassanersoq:

Paarlersuani

Nal. 19:00 – 23:00

  • Kiinnanik qalipaaneq
  • Postkortinik tunioraaneq
  • Peqatigiiffiit tuniniaasut
    • Sikkerneq
    • Neriuffik
  • Katuami pisarsimasunit assit sarsuatinneqassapput

Inersuaaqqami nipilersortut

  • Nal. 19:00-19:30          Nipilersornermik ilinniarfik
  • Nal. 20:00-20:30          Nipilersornermik ilinniarfik
  • Nal. 21:00-21:30          Jaaku Sørensen
  • Nal. 22:00-22:30          Tupaarnaq Ingemann & Viila Sandgreen

Ikinngutigiit inaanni atuakkiortut atuffassisut

  • Nal. 19:30-20:00 Rosa Lorentzen
  • Nal. 20:30-21:00 Niviaq Korneliussen
  • Nal. 21:30-22:00 Maasi Chemnitz

Hans Lyngep Inersuani

  • Nal. 19:00-23:00          Filmertarfik angalaarfigineqassaaq
  • Nal. 19:00-23:00          Inuiaatisaat.gl –imi filmit pisoqqat takutinneqassapput

Aningaasaliisut:

          

Nutaarsiassanik pisartagaqalerit

Cookies

katuaq.gl bruger cookies

Cookies er nødvendige for at få hjemmesiden til at fungere og giver info om, hvordan du bruger vores hjemmeside, så vi kan forbedre den både for dig og for andre. katuaq.gl bruger primært cookies til trafikmåling, login og optimering af sidens indhold. Hvis du klikker videre på siden, accepterer du vores brug af cookies.