Katuaq logo Kulturip Illorsua - Kulturikkut pikialaartitsisoq


Michael Patrick Kelly

Michael Patrick Kelly siornatigut The Kelly Familykkunni Paddy Kellytut ilisimaneqarluartoq nunatsinnut kisimiilluni tusarnaartitsiartulerpoq. Illoqarfiit Ilulissat, Sisimiut aamma Nuuk tikissavai.

Ulloq:

Sumi: Paarlersuaq
Dato.

Nunatsinni angalaarneq: Maajip 20-ani Ilulissani aallartissaaq, taassumallu kingorna Sisimiuni Taseralik aqqusaariarlugu naggasiilluni maajip 23-ani Kulturip Illorsuani Katuami tusarnaartitsissalluni.

Nuuteeraq Nutaaq

2015-imi saqqummersitani ”HUMAN” nunani arlalinni angalaarussimavaa immikkoortuni marlunni turnéreernermi kingorna, ukioq manna immikkuullarissunik tusarnaartitsinerit ingerlatissavai Tyskland-mi, Holland-mi, Danmark-mi, Polen-mi, Tjekkiet-mi aammalu Nunatsinni.

Nuuteeraq ”HUMAN” ukiuni kingullerni saqqummersitani assigusuni suliaalluarnerpaat ilaattut nalilerneqarsinnaavoq, erinnanik qulinik imaqarpoq, itisuunik taallaqarluni ilaatigut tarnikkut anniaateqarneq, maqaasineq, imminullu tatiginissaq nukittunissarlu Michael Patrick Kellyp aqqusaarsimasaanik imaqarluni.

Tusaamasarsuaanermiit mattuttutut inuunermut

Michael Patrick Kellyp ilisimaneqaatigivaa taaguutini Paddy, 90’ikkunni ilaquttani ilagalugit nipilersorneq aqqutigalugu angalaartarnermigut tusaamasarsuartut meeraallunili misilittagaqareernikuuvoq.

The Kelly Familikkut pissatseruttorfianni Paddy ilaquttamini qitiusorujussuartut inissisimasimavoq erinniornerut taalliornerullu tungaatigut aammalu ilaqutariit ”nipilersullammaattut” taagorneqartarsimalluni. Ilaqutariit tusaamasaanerannut qitiulluinnarluni ukiorpassuarni inuusimavoq tamannalu oqittuinnaasarsimanngilaq. Tusaamasatut inuuneq puullaaqinartissimavaa kinaassutsivinilu qimakkiartulersimallugu. Tamakku pissutaallutik ukiuni arfinilinni nipilersorneq tusaamasaanerlu qimallugit mattuttutut inuuneqarnissani aaliagerpaa.

Piffissaq mattuttutut atukkani sulinermut, ilinniarnermut, qinunermut aammalu tarnikkut eqqissisarfittut atorsimavaa. Mattuttooreernermilu kingorna ukiut marluk nipilersunngikkallariarluni erinnat taallallu suliaralugit aallartissimavai, kisimiillunilu nipilersortartutut saqqummeqqilluni.

Illoqarfiit pingasut

Nunatsinni angalanermini Michael Patrick Kelly Ilulissani, Sisimiuni aammalu Nuummi tusarnaartitsissaaq. Tusarnaartitsineq siulleq maajip 20-ni Ilulissat timersortarfiani ingerlanneqassaaq, taassumap kingorna tusarnaartitsinerit marluk Taseralimmi ingerlanneqareerpata, naggasiilluni Kulturip Illorsuani Katuap paarlersuani tusarnaartitsinerit naggasissavaai ataasinngornermi maajip 23-ani.

Kalaallit Nunaanni tusarnaartitseqattaaleruni Paddyp nammineq erinaatai tusarneqarsinnaajumaarput soorunami The Kelly Familykkut erinaataannik tusaamasaalluartunik akoorneqarlutik.

Tall. 20. maj 2016 20.00 – 21.30 Timersortarfik, Ilulissat

Arf. 21. maj 2016 20.00 – 21.30 Taseralik, Sisimiut

Sap. 22. maj 2016 20.00 – 21.30 Taseralik, Sisimiut

Ataa. 23. maj 2016 20.00 – 21.30 Katuaq, Nuuk

Angalaneq Katuamit aaqqissuunneqarpoq Taseralik aamma Sermermiut suleqatigalugit.

Isissutissat pisiarineqarsinnaajumaarput Sermermiuni, Taseralimmi aamma Katuami. Iserneq kr. 250,-


https://www.facebook.com/katuaq.kulturipillorsua

https://www.facebook.com/michael.patrick.kelly.official/?ref=ts&fref=ts

www.instagram.com/michael.patrick.kelly.official 

Isiginnaartitsineq kiassutsip silarsuaani pissaaq, nunarsuarmi inuullu kiassusaa sammineqassalluni. Pinngoqqaartut marluk imeq aamma siku aallaavigalugu timi atorlugu takutitsisoqassaaq

Sermermiit Aalamut (From Ice To Steam)

Isiginnaartitsineq kiassutsip silarsuaani pissaaq, nunarsuarmi inuullu kiassusaa sammineqassalluni. Pinngoqqaartut marluk imeq aamma siku aallaavigalugu timi atorlugu takutitsisoqassaaq

Nutaarsiassanik pisartagaqalerit

Cookies

katuaq.gl bruger cookies

Cookies er nødvendige for at få hjemmesiden til at fungere og giver info om, hvordan du bruger vores hjemmeside, så vi kan forbedre den både for dig og for andre. katuaq.gl bruger primært cookies til trafikmåling, login og optimering af sidens indhold. Hvis du klikker videre på siden, accepterer du vores brug af cookies.