Katuaq logo Kulturip Illorsua - Kulturikkut pikialaartitsisoq


Ole K. Pop Uummataaruffimmi

’Pop Uummataaruffimmi’ Ukiut 25-t saqqummeqqaarneraniit tusarnaartitsineq

Ulloq:

Sumi: Paarlersuaq
Dato.

Pop Uummataaruffimmi Katuami nalliuttorsiutigineqalerpoq

Ole Kristiansennip saqqummersitami aappaa ’Pop Uummataaruffimmi’ 1991-imi saqqummersinneqarpoq. Saqqummerneraniit ukiut 25-t qaangiussimaneri Katuami nalliuttorsiutigineqassaaq tusarnaartitsinersaarsuarmik.

Ole Kristiansen nunatta nipilersornikkut oqaluttuarisaanerani nipilersullaqqinnerpaat, taalliullaqqinnerpaat aammalu ataqqineqarnerpaat ilagaat. Taalliai immikkuullarissut erinallu ullutsinnut tulluussartuartut ukiorpassuarni tamalaanit nuannarineqartuarsimapput.

Ole siullermeerluni saqqummersitsinera ’Isimiit Iikkamut’ assut torrallataallunilu nuannarineqarsimaqaaq, nallersuukkuminaassimallunilu. Taamaammat pissanganarsimavoq saqqummersitsinerup aappa qanoq tingulluartigineqarnissaa. Tamanalu ullumikkut uppernasineqarsinnaavoq erinnat nuannerluinnartut soorlu: ’Nutaraq Kaassassummut’ Apereqqaassuinga’ ’Pop Uummataaruffimmi’, ’Suna Tamarmi’ allallu ulloq manna tikillugu inuppassuarnik nuannerineqarmata. Erinnat taakku soorunami tusarnaartitsisoqalerpat tusarneqarsinnaajumaarput.

Ole Kristiansen saqqummersitarpassuaqarpoq ilaatigut nuuteeqqat makku saqqummersissimallugit: ’Ullugullu Illigullu inuunigullu tumerparpaartoralugit’ ’Qaqqat Asiilasuut’ ’Qasapip Ullua Kingulleq’ allallu.

Tusarnaartitsisoqalerpat nipilersortuussapput: Ole Kristiansen, Nuka Absalonsen, Eigil Petersen, Julius Larsen aammalu Joorsi Sørensen.

Kissassaasut

Unnuk nipilersorfik aallarnerneqassaaq inuusuttunik nipilersullaqqissorsuarnik Nuummeersunik tassaasut Rockstones. Nipilersoqatigiit 2009-mi aallartipput siuttoralugu Ilannguaq M. Kristiansen, bandimi erinarsortuusoq taalliortuullunilu erinniortoq. Rockstonesikkut nipilersoriaasaat rockiuvoq, sakkukinnerumaaniit rockit sakkortuut atortarpaat.

Nipilersoqatigiit ilisimaneqarluarsimapput Nuummi nipilersornermik unammisitsinermi ajungaanermi kingorna. Ajungaanerat Aalborgimi ’Ungdomsringens musikfestival 2013’-mut ilaanermik kinguneqarpoq, taassumallu kingorna nipilersorfinni assigiinngitsuni festivalinilu peqataasarsimallutik.

Katuami tusarnaartitsineq ingerlanneqassaaq tallimanngorneq aprilip 29-ani 2016.

Isissutissat Katuap saaffiginnittarfiani imaluunniit nittartagaq www.katuaq.gl  aqqutigalugu pisiarineqarsinnaalereerput.

Tusarnaartitsineq

Matut ammassapput                21.00

Rockstones                                22.00 – 23.00

Ole Kristiansen                         23.15 – 00.00

                                                     00.15 – 01.00

Pisiaarnermi akia kr. 150,-

Matumi pisinermi akia kr. 200,-

15-17-nik ukiullit inersimasumik ingiaqateqarlutik isersinnaapput. Eqqaamallugu assitalimmik uppernarsaateqarnissaq.

Katuamut tusarnaartitsersuaartoqarnerani inuppassuarnut peqataajartorit, ukiormoortumik pisartoq Akisuanerit Festival ingerlanneqarnerani

Akisuanerit Festival 2016

Katuamut tusarnaartitsersuaartoqarnerani inuppassuarnut peqataajartorit, ukiormoortumik pisartoq Akisuanerit Festival ingerlanneqarnerani

Nutaarsiassanik pisartagaqalerit

Cookies

katuaq.gl bruger cookies

Cookies er nødvendige for at få hjemmesiden til at fungere og giver info om, hvordan du bruger vores hjemmeside, så vi kan forbedre den både for dig og for andre. katuaq.gl bruger primært cookies til trafikmåling, login og optimering af sidens indhold. Hvis du klikker videre på siden, accepterer du vores brug af cookies.