Katuaq logo Kulturip Illorsua - Kulturikkut pikialaartitsisoq


Rock Weekend

Katuamut kalaallit nipilersortartut assigiinngitsut tusarnaariakkit.

Ulloq:

Sumi: Paarlersuaq
Dato.

Sumi: Paarlersuaq
Dato.

Rock Weekend

Katuamut kalaallit nipilersortartut tusarnaartitsinerannut peqataagit tallimanngorneq 4.nov. aamma arfininngorneq 5.nov.

Tallimanngorneq 4. nov. 2016
22.30 - 23.30 Four Tupilaks
23.45 - 01.00 Siissisoq, Original Crew

Arfininngorneq 5. nov. 2016
22.30 - 23.30 Malik
23.45 - 01.00 Liima Inui

Pisiaarnermi akia: kr. 175
Matumi pisinermi akia: kr. 225

15 - 17-nik ukiullit inersimasumik ingiaqateqarlutik isersinnaapput, assitalimmik uppernarsaateqarnissaq eqqaamallugu.

Billetsit nittartakkakkut pisiat mobilimit isilernermi takutillugu isertoqarsinnaavoq

Matut ammassapput nal. 21.30.

Tallimanngorneq
Kissassaasuussapput Four Tupilaks

Four Tupilaks aallarteqqaarput 2012-mi ineriartornerlu tassani aallartilluni. Four Tupilaks atserneqarpoq 2014-mi. Nipilersornermut unammisitsinermut ajugaareernerup kingorna. Nipilersoriaaseq sakkortupput ilaalu sakkukinnerulaarlutik. Hard/Rock Heavy/Rock ataatsimoortipajaarlugit nipilersoriaaseqarput.

Nammineq erinniaminnik taalliaminnillu inunnut tusaatikkusutaminnik ulikkaarput, Katuamilu appinnissaminnut qilanaartorujussuullutik. Maani Nuummi tusarnaartitisillattaarsarnikuupput aammattaaq unammisitsisoqarnermi ajungaareernermi kingorna Aalborgimut "Ungdomsringens Festival"-mut tusarnaartitsiartorsimallutik. Kingullertigut appisimaarput Nuummi Tivolimi aammalu NUiF-imi Artic Winter Games-eqarnerata nalaanni.

Four Tupilaks tassaapput Oleeraq Mathiesen qatitoortoq, Nukannguaq G. Petersen tumerparpaartoq, Josva K. Møller aamma Qillaq Petrussen guitarertut.

Four Tupilaks Facebookimi quppersagaat takuuk: https://www.facebook.com/fourtupilaks/?fref=ts 

Tusarnaartitsineq pissaaq tallimanngorneq novembarip sisamaat nal. 22.30 – 23.30

Siissisoq

Originaliullutik ukiorpassuarni nipilersoqatigiissimanatik, kiisami nipilersoqatigiit ataatsimooqqilernerata kingorna Katuamut tusarnaariarsinnaanngorpatit!

Nipilersoqatigiinni siuttuusoq Karl-Enok Mathiassen assigiinngitsunik nipilersoqateqartarluni Siissisoq ukiuni 22-ni ingerlaavartumik tusarnaartitsisaartarsimavoq. 1994-imi demoliorlutik immiusseqqaarsimapput, ingerlaannarlu nuannarineqalersimallutik, kingornalu aamma KODA-mit nipilersornermik nutaamik nunatsinnut eqqussisutut nersornaaserneqarsimallutik. Erinnat nuantsinni ilisarisimaneqarluartut makkuupput: Nersussuaq, Puuluki, Imarmiutarsuaq ammaalu Pulateriaarsuk.

 Massakkulli ukiut arlallit originaliullutik nipilersoqatigiissimanatik imminnut naneqqissimapput, nunatsinnilu tusarnaartitsinerit ingerlateqqittalersimallugit. Katuap paarlersuani nuannattoqassamaaleqaaq.

Saqqummersitsinerni erinarsortuat Jens Samuelsen qanittukkut bandimut utersimavoq, tamannalu inuppassuarnut tusarluarnartuusimavoq. Siissisoq ukiorpassuarni nuannarineqartuarsimavoq, kisiannili aamma erinarsortuat Jens Samuelsen maqaasineqartarsimaqaaq.

Katuap paarlersuani tusarnaartitsilerunik nipilersoqataasussat ukuupput: Karl-Enok Mathiassen guitar, Knud Mathiassen bass, Villads Kristiansen tumerparpaat kiisalu erinarsortoq Jens Samuelsen.

Siissisukkut Facebookimi quppersagaat takuuk: https://www.facebook.com/Siissisoq-FAN-CLUB-526209720869263/?fref=ts 

Tusarnaartitsineq pissaaq tallimanngorneq novembarip sisamaat nal. 23.45 – 01.00

Arfininngorneq
Malik

Nipilersoqatigiit  “Malik” aallartipput ukioq 2012 aallarniisoralugu erinarsortuusoq Malik Kleist. Ukiorlu taanna saqqmmiussaat siulleq takkuppoq ateqartoq “Nammineq uanga”.

Nipilersoriaasiat rock-iuvoq sakkortooq sakkortuumik erinarsortumik siulersorneqartoq.

2015-imi nipilersoqatigiit aaliangerput nutaamik immiussiniarlutik.  Malik Qillannguarlu (Q), kingulliullugu taaneqartoq bas-ertutut saqqummiussamilu kingullermi aqutsisutut, saqqummiusserusulerput erinnianik misileraanerusunik nutaanillu ”oqariartuuteqartunik”. 

Juni-p qaammataagaa ukioq 2016 ”Malik” nutaamik saqqummiussivoq nutaanik ”oqariartuuteqartumik”: "Ulloq Nutaaq Takkuppoq" videoliallu marluk "Isertorluta Marluugatta" aamma "Eqqumiik" tamarmik Facebook aqqutigalugu tigulluarneqarput. 

Malik nipimigut ilisarnarluartuuvoq, Pearl Jam-imi erinarsortumut Eddie Vedder-imut aammalu Soundgarden-imi erinarsortumut Chris Cornell-imut taakkuluunniit akornanniittutut eqqaanartinneqarsinnaalluni. 

Malik tassaavoq nipilersoqatigiit teknisk-iusut rock-imit guitar-eriaaseq erinnersaartutut ittoq ataasiakkaagartaanni atorneqarluni, ilaatigut sakkortooq ilaatigullu sallaannerusoq. Taamaammat rock nuannarisuugukku, nuannersumik misigisaqartinneqarnissat qularutissaanngilaq. 

Erinarsortup,  Malik Kleist-ip, aamma nipilersoqatigiit "Chilly Friday", nunatsinni tamarmi 2000-ip aallartinnerani ilisarisimaneqarluarsimasut, soorlu atukkatik ”iggo” aamma ”Qivittut” aqqutigalugit, erinarsortuuffigisimavai. 

Nipilersoqatigiinni  Malik-mi ilaapput:

  • Malik Kleist, erinarsortoq
  • Angunnguaq Larsen, lead guitar
  • Hans Pavia (HP) Petersen, guitar
  • Qillannguaq (Q) Berthelsen, bass
  • Ove Mørch, tumerparpaartoq

Malik-up Facebook-ikkut quppernera takujuk:  https://www.facebook.com/MalikOfficialFanclub/?fref=ts


Advent-ip sapaataasa sisamaanni, december-ip 18-anni nal. 16:00 ukioq manna Kalaallit Nunaata Radioata juullimi pilluaqquassutaa Katuamiit toqqaannartumik aallakaatinneqassaaq.

KNR-ip juullimi pilluaqqussutaa

Advent-ip sapaataasa sisamaanni, december-ip 18-anni nal. 16:00 ukioq manna Kalaallit Nunaata Radioata juullimi pilluaqquassutaa Katuamiit toqqaannartumik aallakaatinneqassaaq.

Nutaarsiassanik pisartagaqalerit

Cookies

katuaq.gl bruger cookies

Cookies er nødvendige for at få hjemmesiden til at fungere og giver info om, hvordan du bruger vores hjemmeside, så vi kan forbedre den både for dig og for andre. katuaq.gl bruger primært cookies til trafikmåling, login og optimering af sidens indhold. Hvis du klikker videre på siden, accepterer du vores brug af cookies.