Katuaq logo Kulturip Illorsua - Kulturikkut pikialaartitsisoq


 

Simon Lynge, kisimiilluni tusarnaartitsineq

Simon Lynge-p taalliai erinniaalu nunarsuarmi tamalaani nalilersuisartunit nersualaarneqaqisut Hollywoodimi filmini TV-milu atorneqartalereerput. Nuuteeqqamik nutaamik saqqummersitsinnginnermini Emmylou Harris nipilersorqatigivaa minnerunngitsumillu nuuteeqqaliani nutaaq The Absence of Fear immiullugu.

Tuluit aviisianni The Sunday Timesimi Simon Lyngep nipilersugai ”Qeqertarmiut nutaamik anersaarnerannik” taaneqarput. Simon danskimik anaanalik kalaallimillu ataatalik ullorsiutinut allannissaminik ornigisaqannginnami taalliorlunilu erinniortalersimanerata ineriartornera nuuteeraliaani kingullermi malugineqarsinnaavoq. Nunani tamalaani tusarnaartartut Simonip taalliai erinniailu tiguartinnarisarpaat, ilaannilu tussunngunarisarlugit. Nuuteeqqaliani kingulleq The Absence of Fear taalliortutut erinniortutullu kiffaanngissuseqarusulluni tapersersortini ikiortigalugit aningaasanik katersinikkut piviusunngortippaa, taamaasillunilu taalliornikkut erinniornikkullu suliarilluakkanik Thai Long LY-mit aaqqissorneqartut immiunneqarlutik.

Nipilersukkanik tusarnersunik suliaqarnermigut Paul Simonimit isumassarsiorsimavoq, soorlu erinniaani I´m a soul-imi erinarsornera qanilaarneralu immikkut maluginiagassaallutik. Erinnaq Silver Light qitikkuminartuuvoq Django´s song aamma For Love qamuuna attortinnartuullutik.

Simonip taalliornikkut erinniornikkullu piginnaasaannik takunnipput USA-mi nipilersullammaat, taakkuullutillu aqqutissiuilluarsimasut. Suleqatigisartagaata tusamaalluakkavut Tracy Chapman, Fiona Apple, Stevie Wonder, Prince, Christina Aguilera, Chick Corea suleqatigisareerpaat.

Erinnat tamarmik immikkut pissusillit

”Erinnat tamarmik immikkut pissuseqarput, soorlu aput ammalortuliaq qimerloorlugu misigissutsit, misigisimasat maluginiakkallu pinngorarneri oqaluttuassartai pissarsiaralugit. Assersuutigalugu Django´s song erninnut erinniaraara. Nipilersoqattaarlunga angalatillunga ernera Django qaammatit marluk takunikuunagu erinniuuppara.” Taamak Simon Lynge nassuiaavoq. Simon siullermeerluni saqqummersitsigamili nersorniarneqartuarpoq, soorlu Amazon-p nuuteeqqanik nalilersuineranni pitsaanerpaatut nalilerneqartut ilaanni Simonip erinaatai inissisimasimallutik. Tamannali Simonimut pingaarnerpaajunngilaq. ”Nipilersortartut angorusutara tassaavoq inut tusarnaartut erinniannik inuunermi ingerlanerani ilisarinnissinnaanissaat, soorlu ukiut tallimat qaangiuppata tusarneqaranik neriuppunga imak eqqarsassasut.: ’soorlu taamani imak pisoqarpat’ ” Simon Lynge nangippoq: ”Inuit inuunerannut nipilersugaatikka aqqutigalugit peqataaffigerusuppakka.”

Simon Lynge Katuami Hans Lyngep inersuani tusarnaartitsissaaq Junip 26-iani nal. 20:00. Iserneq 175 kr

Aaqqissuussamut aningaasaliisuuvoq:


Katuamut tusarnaartitsersuaartoqarnerani inuppassuarnut peqataajartorit, ukiormoortumik pisartoq Akisuanerit Festival ingerlanneqarnerani

Akisuanerit Festival 2016

Katuamut tusarnaartitsersuaartoqarnerani inuppassuarnut peqataajartorit, ukiormoortumik pisartoq Akisuanerit Festival ingerlanneqarnerani

Nutaarsiassanik pisartagaqalerit

Cookies

katuaq.gl bruger cookies

Cookies er nødvendige for at få hjemmesiden til at fungere og giver info om, hvordan du bruger vores hjemmeside, så vi kan forbedre den både for dig og for andre. katuaq.gl bruger primært cookies til trafikmåling, login og optimering af sidens indhold. Hvis du klikker videre på siden, accepterer du vores brug af cookies.