Katuaq logo Kulturip Illorsua - Kulturikkut pikialaartitsisoq


Aasaanerani tusarnaartitsineq

Aasaanerani tusarnaartitsineq Katuasp silataani Pikialaarfimmi nipilersortartunik Nunavumeersunik aamma Australiameersunik

Ulloq:

Sumi: Pikialaarfik
Dato.

Akeqanngilaq

Aasarisseruttoraa Katuap silataani nipilersortartunik alutornartunik Australiameersunik Nunavumeersunillu appisimaartoqassaaq. Aasaanerani aliikkusiarfimmi qitaasariarit, palersaariarit nipilersortartunillu ilaatigut takornatanut ikuunnakkiarit

   

Appisimaartoqaannarani aamma allanik pisoqassaaq. Peqatigiiffik Sikkerneq sanalukkatik kusanarluinnartut tuniniassavaat, Peqatigiiffik Pakkalussat nal. 14:50 qitillutik takutitsissapput, sapiitsunut Peqatigiiffik Qajaq Nuuk allunaariarfiliaat misiligarneqarsinnaassaaq minnerunngitsumillu NUIF-iup arsaarartarfiat arfineq pingasuuttariaq misiligarneqarsinnaassalluni.

Aaqqissuussap ingerlanneqarnera tamaat Cafétuaq tuttu-hotdogsinik tuniniaajumaarput

    

Ullormi pilersaarutit

Nal. 14:00         The Imprints

Nal. 15:00         Agaaqtoq

Nal. 16:00        The Jerry Cans

   

   

   

The Imprints Australiami Melbourne-meersuupput nunanilu assigiinngitsuni nipilersukkaminnik alutornartunik qitinnartunillu tusarnaartitsinermik misilittagaqarluarlutik; Soorlu Glastonbury-mi (Tuluit Nunaat) Edinburg Fringe Festivalimi (Tuluit Nunaat) aamma Fusion-imi (Tyskland). Nipilersoriaasiat nipilersoriaatsit assigiinngitsut atorlugit pilersinneqarpoq soorlu inuppalaartunik, nunani allani nipilersoriaatsinik akusaasunik nipilersoriaatsimillu nutaaliaasumik appisimaaraangamik qitinngitsoorneq ajornaqaaq.

The Imprints tusarnaartitsigaangamik marluinnaagaluarlutik niperujussuarmik pilersitsisarput nipilersoriaatsit assigiinngitsut akoortarlugit, soorlu: Gypsy, indisk, Dub, Jazz aamma Afro.

   

Agaaqtoq erinarsortartuuvoq Nunanavumi Arviat-meersoq nammineq taalliorlunilu erinniortartoq. Agaaqtoq Nunavumi nipilersortartunit inuusuttunit isumannarluartutut nuannarineqarluartutullu inissisimavoq, ingammik tusarnaartitseriaatsini immikkuullarissutigalugu. Inuktitut taalliortarami oqaatsinik atuinissamik inuusuttoqatiminut kaammattuiuarpoq tammatsaaleeqataallunilu. Saqqummersitaa siulleq 2014-imi saqqummerpoq taaguuteqarluni: Agaaqtoq. Inuktitut oqaatsit tulluusimaarluni blueserpalaartumik nipilersoriaaseqarnera nunani issittumi Canadamilu inuusuttorpassuarnik eqeersitsivoq maannalu saqqummersitassani tulliuttoq suliarileruttorlugu.

   

The Jerry Cans: Issittup qilaata ulloriaatut uisoriasutut ersaritsigalutik nipilersoqatigiit The Jerry Cans Nunavumi Iqalunni inuunertik pillugu taalliaat erinniaallu ersaritsigaat. Taalliaat Inuktitut taalliarineqartut nipilersoriaasianni Countrymik, torlorsornermik reggae-millu akusaanerat nuannarineqarluinnartoq tusaaneqarsinnaavoq nipilersoqatigit issittormiuusut. Nipilersoqatigiit Inuktitut oqaatsiminnik piujuartitsinissamik pingaartitsisuupput inuiaaluillu illuinnaasiortumik isigineqarneqartarnerat illuatungilertuullugu. Nipilersoqatigiit issittormiut kikkuneri ilisaritissallugu anguniagaraat. Politikkikkut oqariatuutit saniatigut inuusuttut utoqqaallu ataatsimoorlutik qitikkusussusaat uummarissartuarpaat. The Jerry Cans Iqalunni aqqusinikkut pisunnertut assersuunneqarsinnaasumik nunani issittumi inuunerup ilamerngata silarsuaanut pulatissavaatigut.

    

Aningaasaliisut

                      

Isiginnaartitsineq kiassutsip silarsuaani pissaaq, nunarsuarmi inuullu kiassusaa sammineqassalluni. Pinngoqqaartut marluk imeq aamma siku aallaavigalugu timi atorlugu takutitsisoqassaaq

Sermermiit Aalamut (From Ice To Steam)

Isiginnaartitsineq kiassutsip silarsuaani pissaaq, nunarsuarmi inuullu kiassusaa sammineqassalluni. Pinngoqqaartut marluk imeq aamma siku aallaavigalugu timi atorlugu takutitsisoqassaaq

Nutaarsiassanik pisartagaqalerit

Cookies

katuaq.gl bruger cookies

Cookies er nødvendige for at få hjemmesiden til at fungere og giver info om, hvordan du bruger vores hjemmeside, så vi kan forbedre den både for dig og for andre. katuaq.gl bruger primært cookies til trafikmåling, login og optimering af sidens indhold. Hvis du klikker videre på siden, accepterer du vores brug af cookies.