Katuaq logo Kulturip Illorsua - Kulturikkut pikialaartitsisoq


    

Cafétuami tusarnaartitsineq pissaaq tallimanngornermi aggustip 12. 2016, nal. 18:00. Siulliullutik appissapput TIU, Tobias Trier nal. 19:00 appissalluni.
Iserneq akeqassanngilaq, cafélu naliginnaasumik ammassalluni.

    

TIU

TIU soqutigisamik aallaaveqarpoq qanittumilu aatsaat nipilersoqatigiittalerlutik. Nipilersoriaatsit eqqissisimasut atorlugit tunniusserusuttut. Nammineq pigisanik Kalaallisut taallalinnik suliaavoq alutornarluinnartoq. Qularnanngilaq siunissami tusarsaallualerumaassasut, pilersaarutigaat ukiup ingerlanerani nipilersukkaminnik saqqummersitsinissaat. TIU inuttarai kitaarertartoq Ivik Larsen aamma erinarsortartoq Pernille Kreutzmann.

    

Tobias Trier

13. februar 1973  Københavnimi inunngorpoq. Købehavnimi Østerbromi peroriartorpoq. 1991-imi Aurehøj Gymnasiumimi ilinniarnertuunngorpoq. Det kgl. Danske Musikkonservatorium 1996-imi nipilersornermik ilinniartitsisutut naammassivoq.

Saqqummersitai: Bag de blå persienner (EMI 2000), Sandheden om Britina Castello (EMI 2001), Pigen som Kalder (EMI 2004), Grønne hjerter (A:larm music 2006), Krydsklip (A:larm music 2008), Elektrisk regn (Target 2012). Taakkua saniatigut atuakkiaqarpoq atilik: Min zebra stak af (Politikens forlag 2008).

Nipilersoqatigiit Manifest peqatigalugit nuuteeraq “Lige nu” (Target 2013) saqqummersitseqataaffigaa.
Niels Hausgård peqatigalugu  DR-tv-kut 2001-imi aallakaatitassiami Stereotest-imi erinarsortutut nipilersortutullu peqataavoq. 2013-imi Bornholmip avannaani eqqumiitsulianik katersugaasivimmi Steffen Brandt, Tina Dickow, Allan Olsen, Marie Frank aamma Alberte Winding aaqqisukkami ”Uden for sæsonen”-imi peqataavoq.

Nipilersortartut tusarnaartitseqatiginikuusai: Søs Fenger, Anne Dorthe Michelsen, Rasmus Nøhr, Tue West, Mc Einar, Randi Laubek, Claus Hempler, Martin Brygmann, Hannah Schneider, Sys Bjerre aamma Julie Maria.

Rytmisk musikkonservatorium-imi Jysk musikkonservatorium-imi Den Rytmiske højskole i Vig-imi, Brandbjerg højskole-imi, Den rytmiske efterskole i Baaring-imi, Københavns akademi for musik og teater-imi, Copenhagen Songwriter Acadamy-imi, Ishøj MGK-imi, kiisalu Horsens-, Christianshavns- og Skive Gymnasium-imi erinniornermik pikkorissaanermik misilittagaqarpoq.

    

Aningaasaliisut:

      

Nutaarsiassanik pisartagaqalerit

Cookies

katuaq.gl bruger cookies

Cookies er nødvendige for at få hjemmesiden til at fungere og giver info om, hvordan du bruger vores hjemmeside, så vi kan forbedre den både for dig og for andre. katuaq.gl bruger primært cookies til trafikmåling, login og optimering af sidens indhold. Hvis du klikker videre på siden, accepterer du vores brug af cookies.