Katuaq logo Kulturip Illorsua - Kulturikkut pikialaartitsisoq


Ukioq Manna tusarnaartitsineq kingulleq TAAMAATSIINNARNEQARPOQ!

30 Dec. 2015 Katuap Paarlersuani

21.00 Matut ammassapput:

22.00 – 22.55 Rockstones

23.00 - 23.45 Don Maliko

00.00 - 01.30 Sussat

15-iniit 17-inut ukiullit inersimasumik ingiaqateqarlutik isersissaannaapput. Kinaassutsimut uppernarsaat assitalik isilernermi takutinneqassaaq.

Sussat

SUSSAT! 2010-mi saqqummerput katillugulu pingasunik saqqummersitsinikuullutik. Saqqummersitaat iiulleq “Sila qaammareerpoq” 5.000 sinnerlugit tunineqarmata Guld-innannikuuvoq. Saqqumemrsitaata tullia “Asaneruleraluttuinnarsinnaarpasippakkimmi” 2011-mi saqqummertoq 3.000 sinnerlugit tunineqarmata Sølv-innannikuuvoq. Pingajuat “Pinniissalikaartunnguugaluarlutit” 1.500 siulliit nungupput nutaamillu naqiterisitsisoqaqqilluni.

Koda Awards 2010 2011-mi Ukioq taanna nersorneqarpoq.

Unnuup ingerlanerani aliannaarnarsinnaasunik tupaallannartoqarumaarpoq .

Nipilersoqatigiit imminnut sungiunnikorujussuupput massakkullu ataasiakkaarisuata nuunnikuunera pissutaalluni allamik guitarertoqassallutik inuusuttunnguamik guitarillammammik.

 Trommertoq Ove Mørch

Bassertoq Malik Andersen

Pattattoq Minik Schmidt

Guitarertoq Ovenguak Egede

Guitariutigaluni erinarsortoq John G. Sandgreen

Sussat qangalili Nuummi koncerteramik appisimaarnissaminnut qilanaaqaat pissamaaqalutillu.

  

Don Maliko

Rappertartoq Malik Egede Don Malikotut ilisimasarput 2006-imi taalliortalerpoq, tamatumalu kingorna cd-nik saqqummersitani arlalinni peqataalluni. 2007-imi cdmi saqqummersumi ”F.E.A.T”-imi erinnat ukua peqataaffigai: "Sumiiffikka", "Ammukanngilanga", "Taamaaginnarsinnaannginnatta", "Aapaffiginanga" og "Qaangiutereerput". Ukioq taanna nuuteeraq kisimiilluni aamma saqqummiuppaa "Sinnattupiluk", albumerlu taanna KNR musicawardsimi nersoneqaatigalugu. 2008-mi rappertartoq alla JoSPal-G suleqatigalugu nuuteeraq ”Silarsuaq Nutaaq” saqqummersippaat kodamiillu nersoneqaatigalugu. Don Maliko tamatuma kingorna nipilersoqatigiit assigiinngitsut suleqatigisarpai, soorlu 2009-mi Olsen Kids peqatigalugit saqqummersitseqataagami, 2010-mi Uummat peqatigalugit erinnami ”Aliortugaq” peqataaffigaa kiisalu Uummat saqqummersitaani aappaani ”Toornat akornanni” peqataalluni.

ROCKSTONES

Rockstones inuusutturaallutilli NUIF-imi nipilersoqatigiittalerput ukiullu ingerlanerini ineriartorneri inunnit malinnaavigineqarpoq. Nipilersoriaaseq sallaatsunik sakkortusinnaasunillu appisimaartarput. Nipilersoqatigiit ukiut ingerlanerini nipilersorluni unammisitsinerni sisamani nipilersullaqqinnerpaatut neriulluarnartutullu nersorneqartarnermigut ineriartorluareerlutik aprilimi 2015-imi CD siulleq 'Qilammi Ungasissumi' saqqummerpoq. Nipilersoqatigiit nunatsiniinnaanngitsoq Canadamili aamma appisimaartareersut maanna nipilersoriaasiat ukioq manna tusarnaartitsinermut kingullermut ajukkunnanngivipput.

Ilannguaq Kristiansen- Guitar/ Erinartortoq

Dino Petersen- Guitar/tulleertoq

Johan Iversen - Ataasiakkaarisoq

Jens Nielsen - Tumerparpaartoq

Samuel J. Egede - Qatitoortoq

Advent-ip sapaataasa sisamaanni, december-ip 18-anni nal. 16:00 ukioq manna Kalaallit Nunaata Radioata juullimi pilluaqquassutaa Katuamiit toqqaannartumik aallakaatinneqassaaq.

KNR-ip juullimi pilluaqqussutaa

Advent-ip sapaataasa sisamaanni, december-ip 18-anni nal. 16:00 ukioq manna Kalaallit Nunaata Radioata juullimi pilluaqquassutaa Katuamiit toqqaannartumik aallakaatinneqassaaq.

Nutaarsiassanik pisartagaqalerit

Cookies

katuaq.gl bruger cookies

Cookies er nødvendige for at få hjemmesiden til at fungere og giver info om, hvordan du bruger vores hjemmeside, så vi kan forbedre den både for dig og for andre. katuaq.gl bruger primært cookies til trafikmåling, login og optimering af sidens indhold. Hvis du klikker videre på siden, accepterer du vores brug af cookies.