Katuaq logo Kulturip Illorsua - Kulturikkut pikialaartitsisoq


Sermermiit Aalamut (From Ice To Steam)

Isiginnaartitsineq kiassutsip silarsuaani pissaaq, nunarsuarmi inuullu kiassusaa sammineqassalluni. Pinngoqqaartut marluk imeq aamma siku aallaavigalugu timi atorlugu takutitsisoqassaaq

Ulloq:

Sumi: Hans Lynge-p inersua
Dato.

Pisigit

Sermermiit Aalamut (From Ice To Steam)

From Ice To Steam taparnermik isiginnaartitsineq nutaarluinnaavoq, nunatsinnullu tunngasumik aallaaveqarluni. Isiginnaartitsineq kiassutsip silarsuaani pissaaq, nunarsuarmi inuullu kiassusaa sammineqassalluni. Pinngoqqaartut marluk imeq aamma siku aallaavigalugit timi atorlugu takutitsisoqassaaq. CID Dance Companymi qitittartut arfinillit, sammisat aalariaasii misissuiffigisarsimavaat takutitsinermilu qitiussallutik. Imminnut apersortarput; Sila allanngorpat sermersuaq qanoq isissua? Qanoq isumaqarpa inuk nillertuugaanni immaqaluunnit kissartuugaanni? Sooruna annilaangagaangatta kiagulertartugut? Imikkatsinnik qaratsakkut nillertooraanni susoqartarpa?  Qanoq isilluni nunarsuarmi silaannarput ataatsikkut nillerlunilu kissarsinnaava? Quinartunngorlugu ilungersunartunngorlugulu takutitassiaq, CID-p inuup aamma nunarsuup ilua silataalu ukkatarai.

Qitittut: Philip Granat, Sarah Aviaja Hammeken, Caroline Navestad, Sigrid Vik, Hanna Egenes Flemstrøm aammalu Nicoline Persen.

Isiginnaagassiaq Katuami Hans Lyngep Inersuani nal. 19:00 takutinneqassaaq
Inersimasunut aki: 50 kr.
Meeqqanut aki: 25 kr.
Ugguuna nittartakkut Katuallu saaffiginnittarfiani billetsit pisiarineqarsinnaapput.

   

CID Dance Company

CID Dance Company nunani avannarlerni nutaalianik qitittartuupput, Stockholmimi inissisimasoq. Suliffiutileqatigiiffik Sarah Aviaja Hammekennimit 2012-mi pilersinneqarsimavoq. Danmarkimiit, Norgermiit aamma Sverigimiit qitittartui arfiniliullutik, taakkualu qitinnermik aalanerullu silarsuaani misileraajuartuullutik. CID Dance Company immikkuullarissumik isiginnaartitsinermi eqqumiitsuliornermik suliaqartarput, neriuutigaallu taparnerup silarsuaani allanngortitsisinnaallutik. Qitittartut qiteriaatsit assigiinngitsut eqqumiitsuliaanni allaniit aallerfigalugillu isumassarsiorfigisarpaat. CID-p allat eqqumiitsuliortartut soorlu nipilersortartut, assiliisartut, filminik sanasartut ilusilersuisartullu suleqatigissallugit pingaartippaat.

Isiginnaartitsisoqannginnerani isiginnaartitsereernermilu CID Dance Company akeqanngitsumik Qiajuk suleqatigalugu meeqqanut inuusuttunullu pikkorissartitsissaaq. Pikkorissartitsinermut paasisaqarnerusinnaavutit nittartakkami: www.facebook.com/ciddancecompany

   

Uku suleqatigalugit pilersinneqarpoq: Katuaq, Qiajuk, Bibi Chemnitz, Ena Kurtagic Granulo, Anna Rosengren Bruun, Fabrizio Barzanti, Aviaja Lumholt, Kristoffer Jul Reenberg, Jordbro United, OHNO Productions, Ccap, Army Star, Obidos, Fruit, Pontus Sundset aammalu Robert Ekblom.

Aningaasaliisut: Kulturkontakt Nord, NunaFonden og NAPA

Katuamut tusarnaartitsersuaartoqarnerani inuppassuarnut peqataajartorit, ukiormoortumik pisartoq Akisuanerit Festival ingerlanneqarnerani

Akisuanerit Festival 2016

Katuamut tusarnaartitsersuaartoqarnerani inuppassuarnut peqataajartorit, ukiormoortumik pisartoq Akisuanerit Festival ingerlanneqarnerani

Nutaarsiassanik pisartagaqalerit

Cookies

katuaq.gl bruger cookies

Cookies er nødvendige for at få hjemmesiden til at fungere og giver info om, hvordan du bruger vores hjemmeside, så vi kan forbedre den både for dig og for andre. katuaq.gl bruger primært cookies til trafikmåling, login og optimering af sidens indhold. Hvis du klikker videre på siden, accepterer du vores brug af cookies.