Katuaq logo Kulturip Illorsua - Kulturikkut pikialaartitsisoq


Grønlændingaljod

Gudridriup angalanera pillugu allakkat ukiut 1000 sinnerlugit pigineqartut, ukiut akullerniit erinnat, oqaluttuat, nunat avannerlerniit nipilersuut noqartilik Lyre, assinik seqersitsinerit allallu atorlugit Agnethe Christensen kisimiilluni takutitsissaaq

Ulloq:

Sumi: Inersuaaraq
Dato.

Gudrirdiup angalanermini oqaluttuai

  

Agnethe ukiut akullerniit erinnanut immikkut ilisimasaqartuuvoq takutitsinermini sumorsuaq angalatitsisartoq. Nunat avannarlerniit Lyre atorlugu appisimaajutigaluni oqaluttuarissavai Gudridr, Eirik aamma Leif Norgemiit Vinlandimut, Canadamut angalanerat pissanganarluinnartoq. Allatat qangarnitsat Islandimi paarilluarneqarnikut atussavai, uani sammineqartumi ”Grønlændingaljod” assikkut, allatakkut nunallu assinganik atorluni oqaluttuarineqassalluni.
Takutitsineq Gudridr annermik malittarissavaa Norgemiit Islandimut, Kalaallit Nunaannut Vinlandimullu angalaqataasoq. Norgemiit aallarpoq kristumiuulluni aqqutaanilu upperisat qangameersunik ussernartorsiorneqarluni.

  

  

Agnethe Christensen 2014-imi Nuummi isiginnaagassiaq “Grønlændingaljod” piareersarpaa, tassanilu Eddap taallaa “Vølvens Spådom” Kalaallinik meeqqanik ikiortiserluni nutserlugu immiunneqarsimalluni, taallallu erinalernerisa aamma assinik seqersitsinerit sunniutaat assut qangarsuarmut utersaarnarlutik.

Mezzosoprani Agnethe Christensen Sverigemeersuuvoq klassiskimik aamma inuiaat nipilersoriaasiannit sorlaqarluni. Agnethe erinnat 1600 sioqqullugu aamma 1900 kingorna tusarsaasalersimasut atortarpai, nipilersuuteralugillu nunani avannarlerneersut: Gusli, kantele aamma arkaiarmiut nipilersuutaat noqartilik.

”Pulaartuat mezzosoprani, Agnethe Christensen, nunaminit inuiaat erinaat nuannerluinnartut atorlugit nuivoq kingusiinnarlu inuppalaartut, oqaluffippalaartut aamma takorluuerpalaartut erinnat qangarnitsat saqqummiunneqarlutik. ” – Keld Frandsen, Berlingske Tidende

Det Kongelige Danske Musikkonservatoriumimi erinarsornermik ilinniareerami Baselimut nuuppoq Andrea von Rammimi ”Early singing technique” ilinniarlugulu, taassumap kingorna Parisimi Romamilu ilinniaqqissimaluni. Taamanili nuusiani, oratoriani tusarnaartitsinernilu Reinhard Goebel, Concerto Copenhagen, Frieder Bernius allallu peqatigalugit ilinniakkani atorluarsimallunigit. Agnethe Christensen tusarnaartitsisartuunermi saniatigut sammisarpai pikkorissaanerit, filminut erinniornerit aamma nunarsuaq tamakkerlugu operamik tusarnaartitsinerit. Aammattaaq Hotel Proforma aamma Holland House peqatigalugit nutaaliorlutik takutitassiortarnikuusimallutik.

Agnethe ulluinnarni nipilersoqatigiit ALBA-mi Poul Høxbrø peqatigalugu suliaqartarpoq, marluullutillu saqqummersitsivik Classico aqqutigalugu tallimariaq nuusiorsimallutik. Immiussiviit immikkut Svenskit erinaatitoqaannik aamma qangarsuaq nunat avannarlerniit erinnanik nutarsaanermut sammisallit ULV aamma Sequentia aamma suleqatigisarsimallunigit. Kukkilattortoq Helen Davies peqatigalugu erinnat Skotlandimi, Shetlandimi aamma Orkneymeersut atorlugit marluullutik 2008-mi CD ”West over the sea” saqqummersippaat, 2012-imilu Appleblossomimi ULV peqatigalugit ”Eldprovet” saqqummersissimallunikku.

Ukiut kingulliit erinarsoriaaseq moderne klassisk atorlugu ”Music for the Mysteries” aamma nutaalianik atortulerluni agiarsuartartoq Ida Bach Jensen peqatigalugit nipilersoriaatsimik nutaamik pinngortitsisimallutik – erinaq salliutinneqarluni.

www.modernroots.net
www.agnethechristesen.org
ac@agnethechristensen.org

    

Isissutissat Katuap saaffiginnittarfianut aaneqarsinnaapput.

   

Aningaasaliisoq:

   

Katuamut tusarnaartitsersuaartoqarnerani inuppassuarnut peqataajartorit, ukiormoortumik pisartoq Akisuanerit Festival ingerlanneqarnerani

Akisuanerit Festival 2016

Katuamut tusarnaartitsersuaartoqarnerani inuppassuarnut peqataajartorit, ukiormoortumik pisartoq Akisuanerit Festival ingerlanneqarnerani

Nutaarsiassanik pisartagaqalerit

Cookies

katuaq.gl bruger cookies

Cookies er nødvendige for at få hjemmesiden til at fungere og giver info om, hvordan du bruger vores hjemmeside, så vi kan forbedre den både for dig og for andre. katuaq.gl bruger primært cookies til trafikmåling, login og optimering af sidens indhold. Hvis du klikker videre på siden, accepterer du vores brug af cookies.