Katuaq logo Kulturip Illorsua - Kulturikkut pikialaartitsisoq


Pinngortitaleriffik Aarhus Universitetilu pinngoritami ilisimatusarneq pillugu Nuummi tamanut ammasumik oqalugiaateqassapput:

Professor Peter Teglberg Madsen, Institut for Bioscience - Zoofysiologi aamma Arctic Research Centre, Aarhus Universitetimeersup oqalugiaatigissavaa: "Arferit isertortumik inuunerat periuseq nutaaq atorlugu paasineqarpoq"

Arferit siuaasaat nunami uumasuupput maannakkullu uumasuusunut puulukinut qatigattuunullu ilaqutaallutik. Ukiut 30 millionit sinnerlugit matuma siorna uumasut miluumasut tamakku immami uumanissaq pingaarnerutillugu nuna qimappaat. Arfeqatigiikkuutaat maannakkut uumasuusut immani assigiinngitsuni inuunermut assorsuaq naleqqussarsimapput – imavissuarnit itisuuniit kuunnut ikkattunut.

Ukiorpassuarni ilisimatusartut arferit sivikitsuinnarmik immap qaavaniinneranni imaluunniit arferit toqungasut pilattarlugit misissuiffiginerisigut inuunerat ilisimatusarfigisarsinnaasimavaat, misissuinerillu tamakku aallaavigalugit qanoq uumasarnersut eqqoriartarlugit. Kisianni ukiuni kingullerni qulini teknologi nutaaq atorlugu ilisimatusartut arferit sananeqaataannik imaannarsuarmilu pissusilersortarnerannik naliitsumik ilisimatusarfiginissaannut periarfissaqalersimapput.

Oqalugiarnermi ilaatigut nunarsuup imartaanni arferit mikinersaat, Niisa, Danmarkip imartaani piniarniartoq eqqartussavarput aamma kigutilissuit qanoq ilillutik nalunaaquttap akunnerini marlunni aqqaamasinnaanersut, qilalugaq qernertaq qanoq ililluni qiulluni toquneq ajornersoq aamma tunnulissuaq qanoq ililluni alleqquni nakkartinnagit taratsumik 70 tonsimik qanermioqarsinnaanersoq paasiniarsarissavavut. Aamma arferit immami inuunissaminnut qanoq naleqqussarsimanersut eqqarsaatersuutigissavarput – silarsuaq siuaasamik nunami angalasarnerannit allaanerujussuaq.

Oqalugiaat Aarhus Universitetimi tamanut ammasumik oqalugiarnermeersuuvoq. Oqalugiarnermik aallarniisuussaaq Thomas Juul-Pedersen Pinngortitaleriffimmeersoq piffissallu ingerlanerani unillatsiarnermi kaffeqassaaq.

Danskisut oqalugiartoqassaaq

Oqalugiarneq akeqanngilaq nalunaarnissarlu pisariaqarani - aggiinnassaasi!

Nutaarsiassanik pisartagaqalerit

Cookies

katuaq.gl bruger cookies

Cookies er nødvendige for at få hjemmesiden til at fungere og giver info om, hvordan du bruger vores hjemmeside, så vi kan forbedre den både for dig og for andre. katuaq.gl bruger primært cookies til trafikmåling, login og optimering af sidens indhold. Hvis du klikker videre på siden, accepterer du vores brug af cookies.