Katuaq logo Kulturip Illorsua - Kulturikkut pikialaartitsisoq


Ilaqutariit ataatsimoorfiat

Katuaq Kulturip Illorsuata Qooqqut Nuan aamma Arctic Umiaq Line A/S suleqatigalugit Qooqqut Festival, sap.ak. 36-imi septemberip 9-niit 11-at ilanngullugu 2016-imi pisussanngorlugu pilersaarusiuleruttorpaat. Siorna siullermeerluni aaqqissuunneqartoq nuannerpallaaqimmat ukioq manna aamma illit ilaqutariit ataatsimoorfianni peqataanissannut periarfissaqarputit, pilersaarut aajuk.

Aaqqissuussaq imigassartaqassanngilaq, akeqassanngilaq ilaqutariinnullu piukkussagaalluni, meeqqaniit inersimasunut utoqqarnullu aaqqissuussat assigiinngitsut pilersaarusiorneqaleruttorlutik. Ilaqutariinnut sammisassaqartitsinerit assigiinngitsut ingerlanneqassapput, taakkua pereerpata aliikkutassat assigiinngitsut ingerlanneqassapput. Sammineqarsinnaasut makkuupput: tusarnaartitsinerit, qititassianik takutitsinerit, asimi pinnguarnerit nereqatigiinnerillu.

Tamanut ammasuussaaq, piumasut umiatsiarlutik tuperiartorlutik peqataajartorsinnaapput. Katuap Arctic Umiaq Line suleqatigalugu inuit assartornissaanik periarfissaqarput, nerineq unnuinissarlu aamma periarfissaallutik. Katuap saaffiginnittarfiani billetsit pisiarineqarsinnaapput.

Filmiliaaraq Qooqqut Festival 2016 pillugu Facebook-mi quppersagatsinni takuuk: www.facebook.com/qooqqutfestival 

Qooqqut Festival Sarfaq Ittuk aqqutigalugu - Nungupput

Pilersaarut - uani aajuk

Ujaqqanik qiperuineq arf. Nal. 10:00 – 15:00, Nerisarfiup eqqaani
Ujaqqanik qiperuisarnermik misileerusukkuit sutorniartarfiup eqqaani aallartissagut.
Atortussat tassaniissapput, sullisilerlutit aaqqaserlutillu isarualerlutit illersuutaasunik peqaruit takkutiinnassaatit.
Qallunaatsiaat naqinnerinik assiliarisartagaanillu allanillu misiliiumaarpusi.
Ujaraqassaaq tassani namminerli aamma nassarsinnaavusi.
Iliniartitsisoq: Jens Erik Kjeldsen

Meeqqanut workshop, isiginnaartitsineq arf. nal. 10:00, Tupeq angineq & 11. sept. nal. 11:00, Qooqqut Nuan tupeq
Oqluuttuatoqqat marluk timitalrelugit peataaffigisinnaanngorpatit. Oqaluttuaq ullormut ataaseq akunnerup ataatsip iluani piviusuusaartillugu ilaaffigiuk. Oqaluttuaq tusarnaariarlugu timitgalerlugu nunami misiliguik.
Ilitsersuisoq: Ane Marie Ottosen

Iluliaq – Inersimasunut meeqqanullu eqqumiitsuliorneq arf, nal. 10:00 & 13:00 & sap. 11. Sept. nal. 10:00 & 13:00, Tupeq mikineq
Vivian Sjodklet, Lisbeth Lings Susanne Jensennilu qilanaarput, Qooqquni meeqqat inersimasullu peqatigalugit, oqaluutualiornermi, illarneq, takorluisinnaaneq aammalu qalipaanermi pinnguaqatigiinnissamut.

Stomp: Meeqqanut nipilersornermik pikkorissarneq arf. 10. sept. nal. 11:00 – 12:00, Tupeq angineq
Nipilersornermi periuseq immikkuullarissoq aallaavigalugu ilaqutariinnut tamanut sammisaqartitsineq. Atortut nipiliuutit Qooqquni nassaarineqasrsnnaasut atorlugit nipiliorluni nipilersoqatigiinneq ingerlanneqassaaq. Sammisaqartitsisuussaaq erinarsprtartoq Dida G. Heilmann.
Una sammisaqartitsineq ilaqutariinnut suli atualinngitsunik meerartalinnut tulluarsagaavoq.

Linedance kalattuullu arf. 10. sept. nal. 11:00, Nipilersorfik & sap. 11. sept. nal. 12:00, Qooqqut Nuan tupeq
Peqatigiiffik Pakkalukkat linedancernermut pikkorissaasullit Qooqqut Festivalip nalaani linedancernermik pikkorissaassapput. Qiteriaatsini USA-meersuni aalariaatsit assigiiat inuit qitittut aallaavigalugit qitittarput. Ukiarsalernerani qiianarsilaartareersumi uunnassaatitsialak! Pikkorissanermi peqataasut unnukkut nipilersortoqarnerani  ilikkarsimasaminnik takutitsinissaanik periarfissaqassaaq.
Una sammisaqartitsineq ilaqutariinnut atualereersunik meerartalinnut tulluarsagaavoq.

Torlorsorneq workshop, arf. 10. sept. nal. 11:00 & sap. 11. sept. nal. 11:00, Tupeq mikineq
Torlorsorneq tassaavoq arnat akilinermiut pinnguaataasa ilaat. Qanga angutit sivisuumik piniariaraangata arnartaat sukisaarsaatigalugu torlorsortarsimapput, ateqartoq katatjaq/katatjaniq.
Pikkorisassasut: Hans Henrik Suersaq Poulsen & Tiffany Ayalik

Uaajeerneq workshop, arf. 10. sept. nal. 12:00, Tupeq angineq
Uaajeerneq qanga aallaaveqarsimavoq Inuit akornanni aliikkusersueqatigiinnermik, ukiallaraangat taarsisalernerani aammalumi aasaanerani ataatsimooqatigiinnerni.
Uaajeernerup immikkoorluinnartumik ilisarnaatigaa oqummiaq qisummik sanaajusoq, kiinnamillu allanngortitsilluinnartartoq.
Uaajeertoq immikkorluinnaq kiinarpaqartarpoq aammalu immikkorluinnaq namminiussuseqartarluni aalaatsimigut, atisamigut periutsimigullu.

Sumiissusersiornermik arpanneq, arf. 10. sept. nal. 12:00 & 11. sept. nal. 10:00, Tupeq angineq
NASP: Nuummi Arpalluni Sumiissusersiornermik Peqatigiiffik mmeeqqanut 1,5 KM-mik takissusilimmik arpatitsissaaq.

Qaannap atortui pillugit nassuiaaneq arf. 10. sept. nal. 15:00 – 19:00, tupeq angineq
Qaannap, Kalallit Nunaata pinngortitaanut tulluarsagaalluni suliaasup, sananeqaataa atortuisalu suuneri nassuiarneqassapput. Meeraallunili qajartortartoq Jakob Peter Enoksen inuusuttuaraallunili qaanniortartup qaannap pisatai pillugit nassuiaassaaq. Qajaq inikikkaluarluni inunnit matematikkillaqqissorsuarnit ineriartortinneqarpoq.
Una sammisaqartitsineq ilaqutariinnut atualereersunik meeralinnut tulluarsagaavoq.

Arnanut workshop & saqqummesitseq arf. 10. sept. nal. 15:00 – 19:00, Tupeq angineq
Arnanut-mik aaqqissuisut marluk naapikkiartukkit, nerisassiornermut najoqqutassaat atuagassiameersut ooqattaakkit, najoqqutassamillu nuannarisanniik angerlaassillutit. Isumassarsianut aaqqissuisup atuagassiami isumasarsia pissanganartut aamma misilissinnaavatit, immikkuullarissumillu atuagassiaq nutaaq allanit tamanit siulliullutit qupperarsinnaallugu. Qooqqut Festivalimi peqataasut tamasa naapinnissaannut atuagassiarlu pillugu usumaannik tusarniaaviginissaannut qilaaarpugut.

NAPAp suliniutaa Anaanaga Qooqqunut
Anaana sunaava? Meeqqat titartagaannit saqqummersitsineq alakkaruk. Titartakkat Kalaallit Nunaannit tamarmeersuupput, taakkulu saqqummersiortorneqalereerput – ilaat Upernaviup katersugaasiviani, alla Helsinki/Finlandimi saqqummersinneqassalluni ingerlaaleruttorpoq. Pingajuallu Qooqquni Nuup kangerluaniittumi takuneqarsinnaanngorpoq. Anaana nerisitsisuuvoq, meeqqaminik pisuttuaqateqartarpoq, tamarmillu anaanartik asavaat.
Eqqaamallugu inersimasut ilaassammata! Taakkumi pillugit uku titartagaapput.
Suqqummersitsinermut atatillugu meeqqat allat anaanartik pillugu titartaasinnaapput suliniummullu ilaalerlutik.

Tusarnaartitsinerit

14:00 – 15:00 Dida & The Foxy Ladies, Scenemi
Dida & The Foxy Ladies guitarerlutik kalaallisut tuluttullu tusarnaartitsissapput. Didap erinniai nutaat qanganitsallu appisimaassavai aammalu Jimi Hendrix, Nancy Sinatra, Kris Kristofferson, Lona Platou, Inua il. il. (Rock, Pop, Country) atugaat.

15:00 – 16:00 Kimmernaq, Scenimi
Erinarsortartoq aamma isiginnaartitsisartoq Kimmernaq ukiut qulit nipilersornerup aliikkusersuinerullu silarsuaani misilittagaqarpoq, nuusiani siulleq “Tunissut” saqqummermalli, kingornalu “Uani” saqqummersimmagu, taakualu tamarmik kuultimik akissarsitinneqarlutik. Nipilersortunilu Martin Zinck, Hasju Damgaard aamma Viila Sandgreen peqatigalugit Qooqqut Festivalimut appisimaarnissaminnut assut qilanaarput.

16:00 – 17:00 Resirkulert, Scenimi
Resirkulert, taamak ateqarput inuusuttut nipilersortartut Storfjord-imeersut, Nergep avannaaniit. Nipilesortariaasiat assigiinngittorujussuuvoq, erinarsuullu imminiussusia nammineq misigineqassalluni. Siullermeerutaat siornga saqqummerpoq, maannakkullu saqqummersitasat siulleq naammassiniarlugu. Norgemi nuna tamakkerlugu raatiuatigut albummi ateqarpoq ”Før æ goes to mitt” saqqummersiligaanni aammalu singleq siornga saqqummersitaannit ”Nederst in lista” appisimaarluarneqalereerput.

18:00 – 19:00 Maalia & Jonas , Scenimi
Maalia & Jonas cd-liaat 2015-mi saqqummertoq martsimi guldtinnappoq. Ukioq mannalu piffinni assigiinngitsuni appisimaareersimalerput. Nuannersumik appisimaarfigisatik oqariartuuteqarfigerusuttarpaat ataatsimoornerlu siunertamut ilaajuaannarpoq. Qularutigineqassanngilaq erinnat asanninnermit, pinngortitamit inuutitaanermillu imaqarmata. Qooqqut Festivalimut peqataaqqinnissartik qilanaarisimaqaat. Naluneqanngitsutulu ilaqutariit imigassartaqanngitsumik ataatsimoorneranni aamma peqataanerat iluatsikkumaartoq.

19:00 Naggataarnersiornermi takutitsineq

Paasissutissat kingulliit ilanngullugit takussutissiaq Facebook-mi takuuk: facebook.com/qooqqutfestival

Nassiussinernut, atortunik assartuinerit immikkullu umiarsuarmik assartuussinermut tapiisut:

 

 

Nukissamik tapeeqataasut/ Energi sponsor:

 

Tapiisut allat / Andre sponsorer:

            

            



Advent-ip sapaataasa sisamaanni, december-ip 18-anni nal. 16:00 ukioq manna Kalaallit Nunaata Radioata juullimi pilluaqquassutaa Katuamiit toqqaannartumik aallakaatinneqassaaq.

KNR-ip juullimi pilluaqqussutaa

Advent-ip sapaataasa sisamaanni, december-ip 18-anni nal. 16:00 ukioq manna Kalaallit Nunaata Radioata juullimi pilluaqquassutaa Katuamiit toqqaannartumik aallakaatinneqassaaq.

Nutaarsiassanik pisartagaqalerit

Cookies

katuaq.gl bruger cookies

Cookies er nødvendige for at få hjemmesiden til at fungere og giver info om, hvordan du bruger vores hjemmeside, så vi kan forbedre den både for dig og for andre. katuaq.gl bruger primært cookies til trafikmåling, login og optimering af sidens indhold. Hvis du klikker videre på siden, accepterer du vores brug af cookies.