Katuaq logo Kulturip Illorsua - Kulturikkut pikialaartitsisoq


Taalliornermik erinniornermillu workshop

Nammineq taalliannik erinnianillu suliaqarniarlutik takorluugaqarpit? Taalliortut erinniortullu Tobias Trier Danmarkimeersoq aamma Inunnguaq Petrussen nunatsinneersoq, Katuami ulluni marlunni pikkorissaaniarput.

Ulloq:

Sumi: Ikinngutit inaat
Dato.

Akeqanngilaq

Sumi: Ikinngutit inaat
Dato.

Akeqanngilaq

Pikkorissaaneq pissaaq arfininngorneq aamma sapaat aggustip 13. aamma 14. 2016. Ullaakkut nal. 09:00 aallartilluni ualikkut nal. 16:00-ip tungaanut.

Piumasaqaatituaq tassaavoq erinarsorsinnaanissat imlt. nipilersuummik atuisinnaanissat (sungiussisimaneq apeqqutaanngilaq) minnerunngitsumillu taalliornissannik erinniornissannillu piumassuseqarnissat.

Peqataaneq akeqanngilaq, kaffeqassaaq, teeqassaaq, ullup qeqqarsiorneqassaaq kagisugassaqarlunilu.

Inuit amerlanerpaamik qulit peqataasinnaapput, nalunaartut quliniit amerlaneruppata makitsinikkut toqqaasoqassaaq. Junip 17-ianiit Katuap saaffiginnittarfiani nalunaartoqarsinnaassaaq.

Nalunaarfissaq kingulleq: Aggustip 10. 2016, nal. 15:00

   

Tobias Trier


Erinarsortartoq, nipilersortartoq, nipilersuusiortoq, taalliortoq isiginnaartitsisartorlu

13. februar 1973  Københavnimi inunngorpoq. Købehavnimi Østerbromi peroriartorpoq. 1991-imi Aurehøj Gymnasiumimi ilinniarnertuunngorpoq. Det kgl. Danske Musikkonservatorium 1996-imi nipilersornermik ilinniartitsisutut naammassivoq.

Saqqummersitai: Bag de blå persienner (EMI 2000), Sandheden om Britina Castello (EMI 2001), Pigen som Kalder (EMI 2004), Grønne hjerter (A:larm music 2006), Krydsklip (A:larm music 2008), Elektrisk regn (Target 2012). Taakkua saniatigut atuakkiaqarpoq atilik: Min zebra stak af (Politikens forlag 2008).

Nipilersoqatigiit Manifest peqatigalugit nuuteeraq “Lige nu” (Target 2013) saqqummersitseqataaffigaa.
Niels Hausgård peqatigalugu  DR-tv-kut 2001-imi aallakaatitassiami Stereotest-imi erinarsortutut nipilersortutullu peqataavoq. 2013-imi Bornholmip avannaani eqqumiitsulianik katersugaasivimmi Steffen Brandt, Tina Dickow, Allan Olsen, Marie Frank aamma Alberte Winding aaqqisukkami ”Uden for sæsonen”-imi peqataavoq.

Nipilersortartut tusarnaartitseqatiginikuusai: Søs Fenger, Anne Dorthe Michelsen, Rasmus Nøhr, Tue West, Mc Einar, Randi Laubek, Claus Hempler, Martin Brygmann, Hannah Schneider, Sys Bjerre aamma Julie Maria.

Rytmisk musikkonservatorium-imi Jysk musikkonservatorium-imi Den Rytmiske højskole i Vig-imi, Brandbjerg højskole-imi, Den rytmiske efterskole i Baaring-imi, Københavns akademi for musik og teater-imi, Copenhagen Songwriter Acadamy-imi, Ishøj MGK-imi, kiisalu Horsens-, Christianshavns- og Skive Gymnasium-imi erinniornermik pikkorissaanermik misilittagaqarpoq.

    

Inunnguaq Petrussen

 

Erinarsortartoq, nipilersortartoq, erinniortartorlu.

2. maj 1986-mi Inunngorpoq Nuummilu peroriartorluni. Nuummi peroriartorpoq ilimmarfimmilu Cand.scient.adm-itut ilisimatusarsimalluni, nunatsinni nipilersornikkut atukkat immikkut ilisimasaqarfigalugit. Maanna partimut siunnersirtitut atorfeqarpoq. Inunnguup nunatsinni nipilersornikkut suliassanik arlalinnik peqataaffeqarpoq, soorlu Atlantic Music suleqatigisarlugu, NUIF-imi nipilersortarfinnik ingerlatsinikuulluni KNR-radiolu suleqatigalugu aallakaatitassiaq Nipilersorfik aaqqissuuttarlugu.

Inunnguaq Petrussenip nuuteeraq saqqummersitaa Aanngalerneq 18. september 2015 saqqummerpoq. Maanna nuuteeqqat marluk saqqummiutereerpai 2008 (Alummiu) 2015 (Aanngalerneq). Inunnguaq nipilersoqatigiinni Aalut-ni guitarertuuvoq. Nuuteeraq kingulleq “Aanngalerneq” svenskimit Jacob C. Andersson-imit Atlantic Studiomi Nuummiittumi aasaq 2015 immiunneqarpoq Recverba KBH-milu nipigissarneqarluni inaarsarneqarlunilu.

Inunnguaq Petrussenip erinarsorneq guitarernerlu nammineq immiuppai, Nukannguaq Kajussenip qatitooq tumerparnerilu ilai immiullugit. Erinnat arfinillit Kristian-Otto Terkildsen tumerparpaarpai. Pattannerit Martin Pedernimik immiunneqarput Jacob C Anderssonilu percussioninik immiussulluni. 

Inunnguaq inuummarissumik soqutiginartumillu erinnioriaaseqarlunilu taalliornermini inuunermi naapitassat unamminarsinnaasut pikkutsannartullu sammisarlugit. Inunnguup taalliornermigut nipilersornerullu aaqqissoqqissaarneri aaqqissuuteqqissaallaqqippai.

Tobias Trier aannd Inunnguaq Petrussen Katuaq suleqatigalugu taalliornermik erinniornermillu pikkorissaassapput aggustip 13.-14. 2016.

      

Aningaasaliisoq:

   

Isiginnaartitsineq kiassutsip silarsuaani pissaaq, nunarsuarmi inuullu kiassusaa sammineqassalluni. Pinngoqqaartut marluk imeq aamma siku aallaavigalugu timi atorlugu takutitsisoqassaaq

Sermermiit Aalamut (From Ice To Steam)

Isiginnaartitsineq kiassutsip silarsuaani pissaaq, nunarsuarmi inuullu kiassusaa sammineqassalluni. Pinngoqqaartut marluk imeq aamma siku aallaavigalugu timi atorlugu takutitsisoqassaaq

Nutaarsiassanik pisartagaqalerit

Cookies

katuaq.gl bruger cookies

Cookies er nødvendige for at få hjemmesiden til at fungere og giver info om, hvordan du bruger vores hjemmeside, så vi kan forbedre den både for dig og for andre. katuaq.gl bruger primært cookies til trafikmåling, login og optimering af sidens indhold. Hvis du klikker videre på siden, accepterer du vores brug af cookies.