Katuaq logo Kulturip Illorsua - Kulturikkut pikialaartitsisoq


Cafétuami

Cafétuaq ullukinnermi kalaaliminernik sassaalliissaaq. Sassaalliutigineqartussat ilagaat: Suaasat, Umimmak siataq, eqqusat, assagiarsuit, uiluiit, aalisakkat panertut, rejer, nerpilaat assigisaat allarpassuillu.
Kalaaliminernik sassaalliisinnaaneq piviusunngorpoq suliffeqarfiit igaassanik tunissuteqarnerisigut.

Sassaalliinermi inummut ataatsimut kr. 125.

Nerisassanik sassaalliineq ammassooq nal. 17.00 - 20.00.

Igaassanik suliffeqarfiit ukua tunisisuupput: Royal Greenland, Lilleholm aamma KK Engros.

Byorkestersalimi Starlab

Ullukinnermi Katuami issittup qilaata ulloriai pillugit oqaluttuartoqassaaq. Qilammi ullorissat takusinnaasagut pillugit tupersuaaraq atorlugu ullorissat assingi toqqip qilaavanut seqersillugit ullorissat pillugit nassuiaasoqassaaq, soorlu ullorissat qanoq ungasitsiginersut, sunik sananeqaateqarnersut pingaarnertullu kalaallisut aqqi oqaluttuassartailu nassuiaatigineqassallutik. Tupersuaaraq Katuap byorkestersalianiissaaq Kalaallisullu ingerlanneqassalluni. Tupeq mikimmat inuit annerpaamik 15-nit tupersuaaqqap iluaniissinnaammata isissutissat Katuap saaffiginnittarfiani aaneqarsinnaapput.

  1. 17:00
  2. 18:00
  3. 19:00

Ullorissat pillugit Îsâvarak Petrussen nassuiaassaaq.

Inersuaaqqami

Nal. 17:15

Katuap inersuaaraani Steffen Heilmannip ullukinnersiortarneq ullukinnerlu saqqummiutillattaassavai, soorlu Emil Rosingip atuakkiaaniit Kulunnguamiit ullukinnersiornermik tunngasumik atuffassissalluni, Amandus Petrussenip ulloriarsiorneq pillugu allagaataanik saqqummiissalluni issittullu qilaata ulloriaasa taaguutaanik oqaluttuassartaanillu oqaluttuartassalluni. Pingaarnertullu aamma ullukinneq nalliuttorsiutigineqartarnera oqaluttuarissallugu.

Nal. 18:30

Steffen naammasseriarpat Frederik Lange Ikinngutaalu appisimaarlutik aliikkusersuissapput. Taassuma kingorna David Manuminap ulloq matullugu qilaatersussalluni.

Hans Lyngep Inersuani

Kalaallit qangaammalli qivittunik oqaluttuanillu allanik oqaluasaaruttarneq siuaarsuatsinnit kingornussimasarput maanna takusassiatut isiginnaarneqarsinnaanngussaaq seqernup qullariartoqqilernissaata nalliussineqarnerani Katuami decembari 21-at 2015. Piviusulersaarut ”Arnat qivittut issuminillu qilippallit allallu” isiginnaarnerani soorlulusooq qangarsuummat nipit, timip pissusilersorneri tusarnaartullu ileqqumisut qanimut oqaluttuartunik tusarnaarnerini akornanniiginnarluni. Oqaluttuallaqqissummi Efraim Adolfsenip aamma Isak Davidsenip tusarnaarlunilu inngertup Jerimias Sanimuinnaap tunniussimasai eriagisassat, maanna tammatsaalillugit issittup qilaata ulloriai nalliussinerini isiginnaarneqarsinnaanngussapput. Qangarsuummallimi ileqqorilersimavarput ullukinnermi Kalaallit ataatsimuualaarluta, ullormi pingaartumi pikialaaqatigiittarneq, tamannalu ukiormanna aamma pisussaassammat qujarutigissavara illillu aamma peqataanissannut tikilluaqqusaangaarputit.

Hans Lyngep Inersuani takutitsinerit marluussapput:
Nal. 13:00 aamma 17:00
Piviusulersaarummi ilitsersuisoq: Margrethe Thårup Andersen. Isissutissat Katuap saaffiginnittarfiani aaneqarsinnaapput, inuk ataaseq annerpaamik isissutissanik 5-nik aallersinnaavoq.

Advent-ip sapaataasa sisamaanni, december-ip 18-anni nal. 16:00 ukioq manna Kalaallit Nunaata Radioata juullimi pilluaqquassutaa Katuamiit toqqaannartumik aallakaatinneqassaaq.

KNR-ip juullimi pilluaqqussutaa

Advent-ip sapaataasa sisamaanni, december-ip 18-anni nal. 16:00 ukioq manna Kalaallit Nunaata Radioata juullimi pilluaqquassutaa Katuamiit toqqaannartumik aallakaatinneqassaaq.

Nutaarsiassanik pisartagaqalerit

Cookies

katuaq.gl bruger cookies

Cookies er nødvendige for at få hjemmesiden til at fungere og giver info om, hvordan du bruger vores hjemmeside, så vi kan forbedre den både for dig og for andre. katuaq.gl bruger primært cookies til trafikmåling, login og optimering af sidens indhold. Hvis du klikker videre på siden, accepterer du vores brug af cookies.