Katuaq kaffillernissamut kikkunnut tamanut ammasumik pingasunngorneq 19. april nal. 19:00-20:30 aaqqissuussinermut Ileqquvut-mut tunngatillugu qaaqqusivoq. Kaffillernermik ileqquusoq kalaallit kulturiannut pingaaruteqartorujussuuvoq inoqatit akornanni nukittorsaaqataallunilu inuiqatigiinni ataatsimuulersitsisarami. Aaqqissuussami soqutiginartunik saqqummiisoqassaaq, taakkulu kaffillernerup oqaluttuassartaanik Kalaallillu Nunaanni piffinni assiigiinngitsuni qanoq ingerlanneqartarnersoq oqaluttuarissavaat.
Saqqumiisussat tassaapput Randi S. Johansen Nunatta Katersugaasivia Allagaateqarfianeersorlu, Rasmina Danielsen Jensen Kullorsuaq, Gert Ignatiussen Tasiilaq, aammalu Rebekka Olsvig aamma Kistat Holm Nuuk. Taakku kaffillertarnermik ileqqumik namminneerlutik misilittakkaminnik oqaluttuassapput qanorlu ileqqoq attatiinnarneqarsinnaanersoq kinguaariinnullu takkuttussanut ingerlateqqinneqarsinnaaneranik ilimasuutiminnik oqariartuuteqassallutik.
Katuaq kaaginik, kaffimik tiimillu sassaallissaaq, isertullu kaffillerneq taassumalu kalaallit inuiaqatigiinnut isumaat pillugit paasisaqassallutik. Aaqqissuussaq Katuap Facebookiatigut streamerneqassaaq, Kalaallillu nunaanni suliffeqarfiit allat kaammattorneqarput tassunga malinnaaqqullugit.
"Saqqummiussisussat soqutiginarluinnartut kaffillernermilu ileqqut isiginnaartutsinnut saqqummiussinnaagatsigit nuannaarutigeqaarput. Isiginnaariat ileqqoq pillugu ilikkagaqarnerulernertik nuannaarutigissagaat qularutiginngilarput,"Katuami aaqqissuussinermut pisortaq, Jakob Søvndahl Skovaa, oqarpoq.
Aaqqissuussineq Katuami pingasunngorneq 19. april pissaaq, tamanillu kalaallit kulturiannik ileqquinillu ilikkagaqarnerusunut orninneqarsinnaalluni. Aaqqissuussinerup aningaasaliisoraa Nunafonden.