Marlunngorneq 4. april, nal. 21:00-23:00 (matut ammassapput nal. 20:00)
AAJUIK tassaavoq Arctic Sounds suleqatigalugu nipilersornikkut suliniutaasoq taannalu erinarsuusiortartunik nipilersortatunillu Kalaallinit, Nunavummiunit Danskinillu inuttaqarpoq. Peqataasut Islandimiitillutik nutaanik nipilersuusiorsimapput, marlunngornermilu unnukkut nipilersuusiatik siullermeerlutik tusarnaartitsissutigissavaat. Nunat kulturillu assigiinngitsut suleqatigiinnerisa inerneri immikkuullarissuusut misigineqarsinnaapput.
Pingasunngorneq 5. april, nal. 20:45-00:30 (matut ammassapput nal. 20:00)
Pingasunngorneq unnukkut arnat aliikkusersuissapput tassaasut HUN SOLO. Nina Kreutzmann Jørgensen nipilersortuilu tusarnaartitsillutik unnuk naggasiissavaat. Nina Kreutzmann Jørgensen nipilersortuilu pikkorissut saqqummersitat qanganisaanerusut nutaanerusullu appisimaassavaat, ilaatigut Silarsuaq Takuiuk aamma Maalia.
HUN SOLO tassaapput tusarnaartitsisartut nersornaasigaasimasut, eqqumiitsuliortunik arnanik imaluunniit non-binary-nut nersorinnillutillu taakku naapiffeqarnissaannik suleqatigiiffeqarnissaannillu tunniussaqarusuttut. Angorusutaraat eqqumiitsuliortut arnat suiaassutitigullu ikinnerussuteqartut kinguaariit tulliisa isumassarsiortinnissaat aammalu arnat nipilersortartut atugarissaarnerulernissaat. HUN SOLOkkut tusarnaartitsineranni kisimiillutik appittussat maligassaqqissuusut ilaatigut tassaapput Jenny Wilson (SE), Soleima (DK), Thelma (GL), Sitrekin (DK) aamma Nana Jacobi (DK).
Unnuit marluusut taakku nunanit kulturinillu assigiinngitsunik tunuliaquteqartunik nipilersortartunik pikkorissunik eqqumiitsuliortunillu asseqanngitsumik tusarnaarnissamut periarfissiipput. Tusarnaartitsinerit pissapput marlunngorneq 4. april AAJUIK appissallutik aammalu pingasunngorneq 5. april HUN SOLO aamma Nina Kreutzmann Jørgensen nipilersortulerluni appissallutik.
Billetit Katuap nittartagaatigut imaluunniit ullormi tusarnaartitsivissami isilernermi pisiarineqarsinnaapput. Isertussatta unnummut nuannersumik nipilersonermik nuannerluinnartumut misigisanullu assigiinngitsunut tikilluaqqunissaannut qilanaarpugut.
